શક્તિ / ભારતીય સેનાની તાકાતમાં વધારો, અમેરિકાથી મંગાવાશે 72 હજાર રાયફલ્સ

• 72 હજાર રાયફલ્સનો ઓર્ડર આપવામાં આવશે
• ઇન્સાસ રાયફલના સ્થાને આ રાયફલનો થશે ઉપયોગ 
• આતંકવાદ સામે લડવા અને નિયંત્રણ રેખા પર તૈનાત સૈનિકોને મળશે રાયફલ 

સમાચાર એજન્સી ANIને રક્ષા વિભાગના સૂત્રોએ જણાવ્યું કે સુરક્ષાબળોને આપવામાં આવેલ ફાઈનેન્શીયલ પાવર હેઠળ 72 હજાર રાયફલ્સનો ઓર્ડર આપવામાં આવશે. આતંકવાદ વિરોધી અભિયાન માટે ભારતીય સેના આ પહેલા પણ આ રાયફલ્સ આપવામાં આવી છે. 

નોંધનીય છે કે વર્તમાનમાં ઈન્ડિયન સ્મોલ આર્મ્સ સીસ્ટમ ( ઈન્સાસ ) 5.56x45mm રાયફલ્સનો ઉપયોગ કરવામાં આવે છે. ઇન્સાસનું પ્રોડક્શન સ્થાનિક રીતે જ કરવામાં આવે છે. હવે નવી રાયફલ્સ આ રાયફલની જગ્યા લેશે. 

નોંધનીય છે કે આતંકવાદ સામે અભિયાન માટે તથા નિયંત્રણ રેખા પર ફ્રન્ટ લાઈન ડ્યુટી પર તૈનાત જવાનો માટે આશરે દોઢ લાખ રાયફલ્સનો ઉપયોગ કરવાની યોજના છે. જયારે બાકીના સૈનિકોને AK-203 રાયફલ્સ આપવામાં આવશે, જે ભારત અને રશિયા સાથે મળીને અમેઠીની ફેક્ટરીમાં તૈયાર કરી રહ્યા છે. 

ભારતીય સેના છેલ્લા કેટલાક સમયથી ઇન્સાસ રાયફલ્સને રિપ્લેસ કરવા માંગે છે. એવામાં હાલમાં જ રક્ષા મંત્રાલયે ઈઝરાયલને મશીન ગનનો ઓર્ડર આપ્યો છે. છેલ્લા કેટલાક સમયમાં ભારત અને ચીન વચ્ચે તણાવ ચાલુ છે. ભારતીય સેનાની શૂરવીરતાથી ગભરાયેલું ડ્રેગન હાલમાં સરહદ પર પાછળ હટવા મજબૂર થયું છે. એવામાં ભારતીય સેનાની શક્તિમાં વધારો કરવા માટે વધુ રાયફલ્સ ખરીદવામાં આવશે.