નમસ્તે ટ્રમ્પ અને હાઉડી મોદી જેવા કાર્યક્રમોથી એવું તો ચોક્કસ નક્કી થાય છે કે ભારતીય અમેરિકનો USAની ચૂંટણીના મત ગણિતમાં મહત્વનો ભાગ ભજવવાના છે.
આ માટે જ ડોનાલ્ડ ટ્રમ્પ પોતાને હિન્દૂઓના સમર્થક ગણાવે છે. આ ઉપરાંત ડેમોક્રેટિક પાર્ટીના ઉમેદવાર જોઈ બાયડને તેમના રનિંગ મેટ એટલે કે ઉપરાષ્ટ્રપતિ તરીકે કમલા હેરિસની પસંદગી ઉતારી છે. ત્યારે ઉલ્લેખનીય છે કે ભારતીય અમેરિકન સમુદાય USAના સૌથી સધ્ધર અને વિકસિત સમુદાયોમાંથી એક છે.
ભારતીય અમેરિકન મતદારોની સરેરાશ વાર્ષિક આવક $139,000
ભારતીય અમેરિકનો કોઈપણ જાતિ અથવા વંશીય જૂથ કરતાં વધુ કમાણી કરે છે. અમેરિકન એસોસિએશન ઓફ ફિઝીશીયંસ ઓફ ઇન્ડિયન ઓરીજીન (AAPI)ના ડેટા અનુસાર ભારતીય અમેરિકન મતદારોની સરેરાશ વાર્ષિક આવક 2018માં $139,000 હતી.
2020ના રાષ્ટ્રપતિની ચૂંટણીના પ્રચારમાં ભારતીય અમેરિકનોએ 3 મિલિયન ડોલર ખર્ચ્યા
ભારતીય અમેરિકનોની રાજકીય પક્ષના ડોનેશનમાં કેટલા નાણાં ખર્ચી રહ્યા છે તેના પરથી જાણી શકાય છે કે તેઓ આર્થિક રીતે કેટલા સધ્ધર છે. લોસ એન્જેલિસ ટાઈમ્સના અહેવાલ પ્રમાણે ભારતીય અમેરિકનોએ 2020ના રાષ્ટ્રપતિની ચૂંટણીના પ્રચારમાં 3 મિલિયન ડોલર આશરે 22 કરોડ રૂપિયા ખર્ચ્યા છે.
અમેરિકાના કુલ વોટરોમાં ભારતીય અમેરિકન ફક્ત 0.82%
ભારતીય-અમેરિકનો સંખ્યા વિશે કોઈ ચોક્કસ ડેટા નથી પરંતુ કાર્નેગી એન્ડોવમેન્ટના અહેવાલ મુજબ અમેરિકામાં 1.9 મિલિયન ભારતીય વોટરો છે. આ આંકડો ભલે મોટો જણાય પણ હકીકતમાં તે કુલ વોટરોનો ફક્ત 0.82% હિસ્સો છે.
શું છે ઈલેક્ટોરલ કોલેજ સિસ્ટમ?
અમેરિકામાં ઈલેક્ટોરલ કોલેજ સિસ્ટમથી ચૂંટણી લડવામાં આવે છે. આનો અર્થ એ છે કે ધારો કે કોઈ રાજ્યમાં ટ્રમ્પે બહુમતી મેળવી લીધી તો તેના ઈલેક્ટોરલ કોલેજના તમામ પોઈન્ટ્સ ટ્રમ્પને મળે છે.
ઉદાહરણ તરીકે ફ્લોરિડામાં 29 ઈલેક્ટોરેટ છે. આ રાજ્યમાં ડેમોક્રેટ અને રિપબ્લિકન બંને વચ્ચે કટ્ટર હરીફાઈ થાય છે. અહીં ઓછા માર્જિનથી બહુમતી મેળવનાર ઉમેદવાર પણ સીધા 29 ઈલેક્ટોરેટ જીતી શકે છે. આથી આવા સ્વિન્ગ સ્ટેટ ઉપર પ્રભુત્વ મેળવવા બંને નેતાઓ એડીચોટીનું જોર લગાવશે.
અમુક સ્વીંગ સ્ટેટસમાં ભારતીય વોટ બની શકે છે નિર્ણાયક
હવે નોંધપાત્ર સંખ્યામાં ભારતીય અમેરિકાનો કેલીફોર્નિયા અને ન્યુયોર્ક માં વસેલા છે. આ રાજ્યોમાં વર્ષોથી ડેમોક્રેટ્સનું પ્રભુત્વ છે. આથી તેમને સ્વિન્ગ સ્ટેટ્સ ગણવામાં આવતા નથી. જો કે આપણા ભારતીયોની અમુક "સ્વિંગ" સ્ટેટ્સમાં પણ વસ્તી છે જેમાં મુખ્યત્વે પેન્સિલવેનિયા, મિશિગન અને વિસ્કોન્સિનનો સમાવેશ થાય છે. આ રાજ્યોમાં 2016ની ચુંટણીમાં ખૂબ નાના માર્જિનથી વિજેતા નક્કી થયો હતો.
અમુક "સ્વિન્ગ સ્ટેટ" માં ભારતીય-અમેરિકન મતદારોની સંખ્યા
રાજ્ય
ભારતીય- અમેરિકાનો મતદારો
વિકટરી માર્જીન
એરિઝોના
66,000
91,234
ફ્લોરિડા
193,000*
112,911
જ્યોર્જિયા
150,000
211,141
મિશિગન
125,000*
10,704
ઉત્તર કેરોલિના
111,000
173,315
પેન્સિલવેનિયા
156,000*
44,292
ટેક્સાસ
475,000
807,179
વિસ્કોન્સિન
37,000*
22,748
ઉપરના આંકડાઓથી સ્પષ્ટ થાય છે કે અમુક સ્વિન્ગ સ્ટેટમાં ભારતીય-અમેરિકન મતદારોની સંખ્યા વિકટરી માર્જિન કરતા પણ વધારે છે. YouGov અને કાર્નેગી એન્ડોવમેન્ટ સર્વે અનુસાર, 72% ભારતીય-અમેરિકનો જોઈ બાયડનને મત આપે તેવી સંભાવના છે જયારે 22% ડોનાલ્ડ ટ્રમ્પને ને મત આપે તેવી સંભાવના છે.
બીજા એક માપદંડ પ્રમાણે બાયડનને મિશિગન, વિસ્કોન્સિન અને પેન્સિલવેનિયા જીતવા માટે 72% ભારતીય-અમેરિકાનોના વોટની જરૂર છે.
રાજ્ય
ભારતીય- અમેરિકાનો મતદારો
72% બાયડનના મત
વિકટરી માર્જીન
મિશિગન
125,000
90,000
10,704
વિસ્કોન્સિન
37000
26,640
22,748
પેન્સિલવેનિયા
156,000
112,320
44,292
આમ તો ચૂંટણીમાં દરેક મત મહત્વના છે પણ ભારતીય-અમેરિકન મતદારો આ “સ્વિંગ સ્ટેટ્સ”માં કેવી રીતે મતદાન કરે છે તેના પરથી જ આ ચૂંટણીઓના પરિણામ નક્કી થશે તેવું ચોક્કસ કહી શકાય.