ટીમ ઇન્ડિયા અને સાઉથ આફ્રિકાની વચ્ચે પહેલી ઇન્ટરનેશનલ મેચ વરસાદને કારણે એક પણ બૉલ રમાયા વગર રદ્દ કરી દેવામાં આવી છે. હિમાચલ પ્રદેશ ક્રિકેટ સંઘ (HPCA) ના સ્ટેડિયમમાં 6 મહિનાની અંદર આ બીજી મેચ છે જે ખરાબ વાતાવરણને કારણે રદ્દ થઇ હોય.
સંયોગથી ગત વર્ષે સપ્ટેમ્બર T20 મેચ પણ ટીમ ઇન્ડિયા અને સાઉથ આફ્રિકાની વચ્ચે રમાવવાની હતી, 3 મેચની સીરિઝની પહેલી જ મેચ પર પહેલાથી સંકટના વાદળો છવાયા હતા કેમકે હવામાન વિભાગે વરસાદની આગાહી કરી હતી.
ત્રણ વનડે સીરિઝની ધર્મશાલા ખાતેની પ્રથમ મેચ વરસાદના લીધે રદ્દ કરવામાં આવી છે. મેચમાં ટોસ પણ થઇ શક્યો ન હતો. 20-20 ઓવરની મેચ માટે રમત 6:30 વાગે શરૂ થાય તે જરૂરી હતું. પરંતુ વરસાદ ન અટકતા મેચ રદ્દ કરવામાં આવી હતી. સીરિઝની બીજી મેચ 15 માર્ચના રોજ લખનૌમાં રમાશે.