IPLIN
 

બોલિવૂડ / અમિતાભ બચ્ચને ભારતીય બોલરોના વિકેટને લઈને કહી એવી વાત કે ચાહકો ભડક્યાં અને બિગ બીને કરવા લાગ્યા ટ્રોલ

Team VTV 10:44 AM, 05 Mar 21
Follow us
india vs england amitabh bachchan tweets about indian bowlers fans trolled him

ભારત અને ઈંગલેન્ડવચ્ચે હાલમાં રમાઈ રહેલી શ્રેણી દરમ્યાન બોલિવૂડના મહાનાયક અમિતાભ બચ્ચનની ટ્વિટ ખૂબ જ વાયરલ થઈ રહી છે. બિગ બીએ ભારતીય બોલરોના વિકેટ નંબર્સને લઈને કહી આ વાત.

  • બિગ બી ફરી થઈ રહ્યાં છે ટ્રોલ
  • ભારતીય બોલરોના વિકેટ નંબર્સને લઈને કરી આવી ટિપ્પણી
  • ચાહકો થયા નારાજ અને બિગ બીને કરવા લાગ્યા ટ્રોલ

તમને જણાવી દઈએ કે, જ્યારે પ્રથમ ટેસ્ટ મેચમાં ઈંગ્લેન્ડએ ભારતને હરાવ્યું હતું ત્યારે ઈંગ્લેન્ડના પૂર્વ ઓલરાઉન્ડર એન્ડ્ર્યૂ ફ્લિંટોફ (Andrew Flintoff)એ બચ્ચનને વર્ષો જૂની એક ટ્વિટ યાદ કરાવી હતી. જેમાં તેમણે ઈંગ્લેન્ડને જડથી ઉખાડવાની વાત કરી હતી. એ પછી ટીમ ઈન્ડિયાએ સતત બે ટેસ્ટ મેચ જીતી અને બંને ટેસ્ટને લઇને અમિતાભ બચ્ચનના ટ્વિટ પણ ચાહકોના દિલ જીતનારા હતા. પરંતુ આ દરમ્યાન હવે સીરિઝની અંતિમ ટેસ્ટના પહેલાં દિવસે તેમણે એવી ટ્વિટ કરી, જેના કારણે ફેન્સ તેમને ટ્રોલ કરી રહ્યાં છે. 

અમિતાભ બચ્ચને ટ્વિટમાં 4 માર્ચની તારીખને લઇને ભારતીય બોલરોનું પ્રદર્શનને ટાંકીને કહ્યું કે, ગજબ સંયોગ છે. ભારતીય ટીમે ઈંગ્લેન્ડને મેચના પ્રથમ દિવસે જ 205 રન પર ઓલઆઉટ કરી દીધું. બીગ બીએ ટ્વિટ કરતા લખ્યું કે, આજે તારીખ 4.3.21 છે અને સંયોગ પણ ભારત અને ઈંગ્લેન્ડ વચ્ચેની ટેસ્ટમાં આજે, ચાર વિકેટ અક્ષર પટેલ, ત્રણ વિકેટ અશ્વિન અને બે વિકેટ મોહમ્મદ સિરાજ અને એક વિકેટ વોશિંગ્ટન સુંદરે લીધી. બિગ બીની આ ટ્વિટ બાદ ચાહકોએ પણ તેમની ટ્વિટને ટ્રોલ કરવા લાગ્યા. 

મેચ વિશે વાત કરીએ તો ઈંગ્લેન્ડે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતીય બોલરોએ અંગ્રેજી બેટ્સમેન રમવાની તક આપી નહોતી. બેન સ્ટોક્સ 50નો આંકડો પાર કરનાર એકમાત્ર બેટ્સમેન હતો. આ સિવાય ડેનિયલ લોરેન્સે 46 રન બનાવ્યા હતા. તેના જવાબમાં ભારતે પહેલાં દિવસની રમતના અંત સુધીમાં એક વિકેટ માટે 24 રન બનાવ્યા છે.

Amitabh Bachchan TROLL India vs England
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ