ક્રિકેટ / શ્રીલંકા-AUS સીરિઝ માટે ટીમ ઇન્ડિયાનું એલાન, ભારતના આ મેચ વિનરની વાપસી

• શ્રીલંકાની વિરુદ્ધ ટી-20, ઓસ્ટ્રેલિયાની વિરુદ્ધ વનડે સીરિઝ માટે ભારતીય ટીમનું એલાન
• ટીમ ઇન્ડિયામાં સૌથી મોટા મેચ વિનર ફાસ્ટ બોલર જસપ્રીત બુમરાહની વાપસી થઇ
• 5 મહીના બાદ જસપ્રીત બુમરાહ ટીમ ઇન્ડિયા માટે રમશે

જસપ્રીત બુમરાહ શ્રીલંકા વિરુદ્ધ ત્રણ મેચોની ટી-20 સીરિઝ અને ઓસ્ટ્રેલિયા વિરુદ્ધ ત્રણ મેચોની વનડે સીરિઝમાં ટીમ ઇન્ડિયાનો હિસ્સો હશે. 5 મહીના બાદ બુમરાહ ટીમ ઇન્ડિયા માટે રમશે. બુમરાહને કમરમાં સ્ટ્રેસ ફ્રેક્ચર હતું જેના કારણે તે ક્રિકેટથી દૂર રહ્યો. 

નોંધનીય છે કે, ભારત 5 જાન્યુઆરીથી 10 જાન્યુઆરી સુધી શ્રીલંકા વિરુદ્ધ ત્રણ મેચોની ટી-20 સીરિઝ રમશે. ત્યારબાદ ઓસ્ટ્રેલિયાની ટીમ ત્રણ મેચોની વનડે સીરિઝ રમવા માટે ભારત આવશે.

ભારત 14 જાન્યુઆરીથી 19 જાન્યુઆરી સુધી ઓસ્ટ્રેલિયા વિરુદ્ધ ત્રણ મેચોની વનડે સીરિઝ રમશે. સ્ટાર બેટ્સમેન રોહિત શર્મા અને ફાસ્ટ બોલર મોહમ્મદ શમીને શ્રીલંકા વિરુદ્ધ ટી-20 સીરિઝમાં આરામ આપવામાં આવ્યો છે. 

રોહિત શર્માની જગ્યાએ સંજૂ સેમસનને શ્રીલંકાની વિરુદ્ધ ટી-20 સીરિઝ માટે ભારતીય ટીમમાં સામેલ કરવામાં આવ્યો છે. જોકે, રોહિત શર્મા ઓસ્ટ્રેલિયાની વિરુદ્ વનડે સીરિઝમાં રમશે. આ ઉપરાંત શ્રીલંકા અને ઓસ્ટ્રેલિયા વિરુદ્ધ સીરિઝમાં શિખર ધવનની વાપસી થઇ છે. જે વેસ્ટઇન્ડિઝની વિરુદ્ધ ગત સીરિઝમાં ઇજાને કારણે રમી શક્યો નહોતો. 

શ્રીલંકા સીરિઝ માટે ભારતની T20 ટીમ :

શિખર ધવન, કેએલ રાહુલ, વિરાટ કોહલી (કેપ્ટન), શ્રેયસ અય્યર, ઋષભ પંત (વિકેટકીપર), રવીન્દ્ર જાડેજા, શિવમ દુબે, યુજવેન્દ્રવ ચહલ, કુલદીપ યાદવ, જસપ્રીત બુમરાહ, નવદીપ સૈની, શાર્દુલ ઠાકુર, મનીષ પાન્ડે, વોશિન્ગટન સુંદર, સંજૂ સેમસન. 

ઓસ્ટ્રેલિયા સીરિઝ માટે ભારતની વનડે ટીમ:

શિખર ધવન, રોહિત શર્મા, વિરાટ કોહલી (કેપ્ટન), કેએલ રાહુલ, શ્રેયસ અય્યર, મનીષ પાન્ડે, ઋષભ પંત (વિકેટકીપર), કેદાર જાધવ, શિવમ દુબે, રવીન્દ્ર જાડેજા, કુલદીપ યાદવ, યુજવેન્દ્ર ચહલ, નવદીપ સૈની, શાર્દુલ ઠાકુર, જસપ્રીત બુમરાહ