ભારત અને પાકિસ્તાન વચ્ચેના તણાવ વચ્ચે ભારતે રશિયા સાથે એક મોટી ડીલ કરી છે. ભારતે 10 વર્ષને લઇને નૌસેના માટે પરમાણુ ક્ષમતાથી સંપન્ન સબમરીન લીઝ પર લેવા માટે રશિયા સાથે 3 અરબ ડોલરની સમજૂતી કરી છે.
ભારત અને પાકિસ્તાન વચ્ચે તણાવને લઇ આ ડીલ કૂટનીતિક રીતે ખૂબ મહત્તવની છે. ભારત અને રશિયા વચ્ચે કિંમત અને ડીલને લઇ અલગ-અલગ દિશામાં વાતચીત કરવામાં આવી અને ત્યારબાદ હસ્તાક્ષર થયા.
જો કે મળતી માહિતી મૂજબ આ ડીલ અંતર્ગત રશિયાની અકુલા વર્ગની સબમરિન ભારતીય નૌસેનાને 2025 સુધીમાં મળી જશે. અકુલા વર્ગ સબમરીનને ચક્ર-3 નામ આપવામાં આવ્યું છે. આ ભારતીય નૌસેનાને લીઝ પર આપવામાં આવનારી ત્રીજી રુસી સબમરીન હશે.
પ્રથમ રશિયન પરમાણુ સંચાલિત સબમરીન આઇએનએસ ચક્ર ત્રણ વર્ષ લીઝ પર 1988માં લેવામાં આવી હતી. બીજી આઇએનએસ ચક્રને લીઝ પર દસ વર્ષોની સમયઅવધિ માટે 2012માં પ્રાપ્ત કરી હતી. ભારત-રશિયા વચ્ચે આ ડીલ એવા સમય થઇ છે જ્યારે અમેરિકાએ રશિયાના રક્ષા ઉપકરણોની ખરીદી પર આર્થિક પ્રતિબંધ લગાવ્યાં છે.
આ અગાઉ ઓક્ટોબરમાં ભારત અને રશિયા વચ્ચે 5.4 બિલિયન એટલે કે 3 ખરબ 79 અરબ 5 કરોડ 30 લાખ રૂપિયાના એસ-400 ટ્રાયમ્ફ મિસાઇલ સિસ્ટમની સમજૂતિ પર હસ્તાક્ષર કરવામાં આવ્યા હતા.