મહામારી / BIG NEWS: ઓમિક્રૉનના ખતરા વચ્ચે આજે ફરી વધ્યા કોરોના કેસ, 2,796 દર્દીના મોત

• 4 કલાક દરમિયાન દેશમાં કોરોનાના 8,895 કેસ નોંધાયા 
• જ્યારે  6,918 લોકો કોરોનામાંથી સાજા થવામાં સફળ થયા  
• દેશમાં અત્યાર સુધીમાં 127.61 કરોડ રસી લગાવાઈ 

COVID19 | India reports 8,895 new cases, 2796 deaths in the last 24 hours, active caseload at 99,155.

2,426 reconciled deaths by Bihar adjusted in today's database. Also, Kerala clears backlog of 263 deaths. Hence deaths showing a spike: Ministry of Health & Family Welfare pic.twitter.com/hZ3A36Nv9f

— ANI (@ANI) December 5, 2021

છેલ્લા 24 કલાક દરમિયાન દેશમાં કોરોનાના 8,895 કેસ નોંધાયા છે. 

દેશમાં એક દિવસ પહેલાની સરખામણીએ દૈનિક કેસોની સંખ્યામાં વધારો થયો છે. અગાઉ 8,603 કેસ નોંધાયા હતા. આ સાથે દેશમાં કોરોનાથી સાજા થનારા લોકોની સંખ્યામાં પણ ગત દિવસની સરખામણીએ ઘટાડો થયો છે. છેલ્લા 24 કલાકમાં 6,918 લોકો કોરોનામાંથી સાજા થવામાં સફળ થયા છે. આના કારણે, કોરોનામાંથી સાજા થનારા લોકોની કુલ સંખ્યા વધીને 3,40,60,774 થઈ ગઈ છે.

દેશમાં કોરોનાના કારણે મૃત્યુઆંક 2,796 નોંધાયો છે

આ ઉપરાંત, દેશમાં મૃત્યુને લઈને જે મામલો સામે આવ્યો છે તે ખૂબ જ ચોંકાવનારા છે. દેશમાં કોરોનાના કારણે મૃત્યુઆંક 2,796 નોંધાયો છે. જેમાં બિહારમાં મૃત્યુના બેકલોગનો ડેટા સામેલ કરવામાં આવ્યો છે. બિહારમાં અગાઉ કોરોનાના કારણે મૃત્યુ પામેલા 2,426 લોકોના આંકડા આજે સામેલ કરવામાં આવ્યા છે. આ સાથે જ કેટલાક દિવસોથી એક્ટિવ કેસ 99 હજારથી એક લાખની વચ્ચે રહ્યા છે. હવે દેશમાં સક્રિય કેસ વધીને 99,155 થઈ ગયા છે. સક્રિય કેસ કુલ કેસના એક ટકા કરતા ઓછા છે. હાલમાં તે 0.29 ટકા છે અને 2020 પછી સૌથી નીચો છે.

દેશમાં અત્યાર સુધીમાં 127.61 કરોડ રસી લગાવવામાં આવી છે. 

દેશમાં કોરોનામાંથી સાજા થવાનો દર 98.35 ટકા નોંધાયો છે. બીજી બાજુ દૈનિક પોઝિટીવિટી દર 0.73 ટકા છે, જે છેલ્લા 62 દિવસથી 2 ટકાથી ઓછો છે. આ સાથે, સાપ્તાહિક હકારાત્મકતા દર 0.80 ટકા છે. તે 21 દિવસથી એક ટકાથી ઓછો છે. દેશમાં રાષ્ટ્રવ્યાપી રસીકરણ અભિયાન હેઠળ દેશમાં રસીની સંખ્યામાં સતત વધારો થઈ રહ્યો છે. દેશમાં અત્યાર સુધીમાં 127.61 કરોડ રસી લગાવવામાં આવી છે.