કોરોના વાયરસ મહામારીની વિરુદ્ધની લડાઈમાં ભારત માટે સપ્ટેમ્બર મહિનો ખરાબ સાબિત થયો છે. જોન્સ હોપકિન્સ યુનિવર્સિટીના આંકડા અનુસાર મહિનાના પહેલા 15 દિવસમાં જે રીતે કોરોના સંક્રમણ ફેલાયું તે ચોંકાવનારું છે. ભારતમાં સપ્ટેમ્બરમાં 11 દિવસમાં જ 10 લાખ કોરોનાના કેસ સામે આવતાં તે નંબર 1 પર પહોંચ્યું છે. આ પછી બીજા નંબરે અમેરિકાનો નંબર આવે છે.
ભારતમાં કોરોના સંક્રમણનો કહેર વધ્યો
સપ્ટેમ્બરમાં વધ્યું કોરોના સંક્રમણ
15 દિવસમાં નવા કેસ અને મોતના આંકને લઈને ભારત નંબર 1 પર પહોંચ્યું
જાણો ભારત, અમેરિકા અને બ્રાઝિલનો મૃત્યુઆંક, ભારત રહ્યું આગળ
ભારતમાં 15 દિવસમાં 13,08,991 કેસ સામે આવ્યા છે. સંયુક્ત રાજ્ય અમેરિકામાં 5,57,657 કેસ આવ્યા છે અને બ્રાઝિલ આ યાદીમાં ત્રીજા નંબરે આવે છે. અહીં 4,83,299 કેસ નોંધાયા છે. વાયરસના કારણે થયેલા મોતના કર્મની વાત કરીએ તો ભારતમાં ફક્ત 15 દિવસમાં 16,307 લોકોના જીવ ગયા છે જ્યારે અમેરિકા અને બ્રાઝિલમાં ક્રમશઃ 11, 461 અને 11, 178 લોકોના મોત થયા છે.
મૃત્યુદરમાં આ દેશોમાં પણ પ્રમાણ વધ્યું
15 દિવસની વાત કરીએ કો ભારત 1.25 ટકાની સાથે 8મા નંબરે છે. મુખ્ય દેશોમામં મેક્સિકો, કોલંબિયા અને પેરુનો નંબર આવે છે.
ભારતમાં એક્ટિવ કેસની સંખ્યા 10 લાખને પાર
ભારતમાં કોરોનાના કેસ સતત વધી રહ્યા છે. અહીં એક જ દિવસમાં 97,856 કેસ નોંધાયા છે. દેશમાં કોરોનાના કુલ કેસ 51,15,893 થયા છે જ્યારે એક્ટિવ કેસની સંખ્યા 10 લાખને પાર પહોંચી ચૂકી છે. અત્યારે કુલ 10,09,886 દર્દીઓ કોરોનાની સારવાર હેઠળ છે. તો અન્ય તરફ અત્યાર સુધી 40,22,049 લોકો સાજા થઈ ચૂક્યા છે. મૃત્યુઆંકની વાત કરીએ તો 83,230 લોકોના કોરોનાથી મૃત્યુ થયા છે.