દુનિયા ભરમાં કોરોનાની રસી પર કામ ચાલી રહ્યું છે અને આશા છે કે બહું જલ્દી રસી મળી જશે. રસીને લઈને ભારતના એક પ્રસ્તાવને WHOનું સમર્થન મળ્યું છે. ભારત અને દક્ષિણ આફ્રીકાએ સંયુક્ત રુપે વિશ્વ વ્યાપાર સંગઠન પાસે એ સુનિશ્ચત કરવાનો પ્રસ્તાવ મુક્યો કે તમામ દેશોને કોરોનાની રસી મળે.
WHOના ટેડ્રોસ એડનોમ ગેબ્રિયેસસે ટ્વીટ કરી અનેક છુટછાટ માંગી
ભારત અને દક્ષિણ આફ્રીકાએ સંયુક્ત રુપે વિશ્વ વ્યાપાર સંગઠન પાસે મુક્યો પ્રસ્તાવ
WHOએ ભારત અને દક્ષિણ આફ્રીકાના આ પ્રસ્તાવનું સમર્થન કર્યુ છે. WHOના ટેડ્રોસ એડનોમ ગેબ્રિયેસસે ટ્વીટ કરીને કહ્યું કે WHO કરોનાની રસી પર આંતરરાષ્ટ્રીય નિયમોમાં છુટમાં માંગ, ટ્વીટમેન્ટ અને ટેસ્ટ ઉપકરણોની જરુરિયાતમંદ દેશોને સસ્તી કિંમતમાં ઉપલબ્ધ કરાવવા માટે WTOને આપવામાં આવેલા દ. આફ્રિકા અને ભારતના હાલના પ્રસ્તાવનું સ્વાગત કર્યુ છે.
2 ઓક્ટોબરે ભારત અને દક્ષિણ આફ્રિકાએ WTO કાઉન્સિલને એક પ્રસ્તાવ મોકલવામાં આવ્યો જેમાં આ સભ્ય દેશો પાસેથી પેટન્ટ, ઈન્ડસ્ટ્રિયલ ડિઝાઈન, કોપીરાઈટ્સ જેવા અન્ય ઈન્ટલેક્ચૂઅલ પ્રોપર્ટી નિયમોમાં છુટ આપવા ઉપરાંત યોગ્ય કિંમત પર દવાઓ અને રસી ઉપલબ્ધ કરાવે, કોવિડ 19 માટે જરુરી રિસર્ચ, ડેવલપમેન્ટ અને મેડિકલ પ્રોડક્ટની આપૂર્તિ કરવાનો આગ્રહ કરવામાં આવ્યો છે.
ઉલ્લેખનીય છે કે અમેરિકા, યુરોપીય સંઘ, કેનેડા, જાપાન, બ્રિટન, ઓસ્ટ્રેલિયા અને સ્વિઝરલેન્ડ જેવા વિકસિત દેશોએ આ પ્રસ્તાવને ફગાવી દીધો છે. જ્યારે કે આફ્રિકન ગ્રુપના દેશો બાંગ્લાદેશ. શ્રીલંકા, પાકિસ્તાન, નેપાળ જેવા વિકાસશીલ દેશોએ આ પ્રસ્તાવને સમર્થન આપ્યું છે. ત્યારે ચીન, તુર્કી, ફિલિપાઈન્સ અને કોલંબિયા જેવા દેશોએ આ પ્રસ્તાવ પર વધારે જાણકારી માંગી છે.