બેંકિંગ / પોસ્ટ ઑફિસની નવી પહેલ, હવે ખાતાધારકોને મળશે આ સુવિધા

• ડિપાર્ટમેન્ટ ઑફ પોસ્ટે પોસ્ટ ઑફિસ બચત ખાતાધારકો માટે મોબાઇલ બેંકિંગ સર્વિસ શરૂ કરી છે
• બચત ખાતાથી રિકરિંગ ડિપૉઝીટ અથવા PPF અકાઉન્ટમાં ફંડ ટ્રાન્સફર કરી શકાશે. 

છેલ્લા કેટલાક વર્ષોથી મોદી સરકારની આગેવાનીમાં પોસ્ટ ઑફિસમાં ઘણું બધું બદલાઇ ગયું છે. સુકન્યા સમૃદ્ધિ યોજના (SSY) જેવી યોજનાઓને પોસ્ટ ઑફિસથી જોડવામાં આવી તો બીજી બાજુ પોસ્ટ ઑફિસમાં બેંકિંગ સુવિધાઓ આપવાની પણ પહેલ કરવામાં આવી. હવે પોસ્ટ ઑફિસમાં એક નવી સુવિધાની શરૂઆત થઇ છે. એ હેઠળ પોસ્ટ ઑફિસની બચત ખાતાધારક ઘરે બેસીને પોતાના દરેક કામ સરળતાથી નિપટાવી શકશો. 

વાસ્તવમાં, ડિપાર્ટમેન્ટ ઑફ પોસ્ટે પોસ્ટ ઑફિસ બચત ખાતાધારકો માટે મોબાઇલ બેંકિંગ સર્વિસ શરૂ કરી છે. આ સુવિધા દ્વારા ખાતાધારકોને પોસ્ટ ઑફિસની સ્મૉલ સેવિંગ્સ સ્કીમ  કિસાન વિકાસ પત્ર, નેશનલ સેવિંગ્સ સર્ટિફિકેટ વગેરેને મેનેજ કરવું સરળ થઇ જશે. 

પોસ્ટ ઑફિસની એપથી શું થઇ શકશે

• આ ઉપરાંત અકાઉન્ટ બેલેન્સ, રિકરિંગ ડિપૉઝીટ લોન વગેરેની ડિટેલ્સ જોઇ શકાશે. આટલું જ નહીં મોબાઇલ બેંકિંગ દ્વારા ટ્રાન્ઝેક્શન હિસ્ટ્રી અને અન્ય પ્રકારની જાણકારીઓ પણ ડાઉનલોડ કરી શકાશે. 
• અહીંયા જણાવી દઇએ કે ઇન્ડિયા પોસ્ટ પેમેન્ટ્સ બેંક બચત ખાતા માટે મોબાઇલ બેંકિંગ સુવિધા પહેલાથી મોજૂદ છે. 
• જો કે બચત ખાતાધારકોને આ સુવિધા માટે ઇન્ડિયા પોસ્ટ મોબાઇલ બેંકિંગ એપને ગૂગલ પ્લે સ્ટોરથી ડાઉનલોડ કરવી પડશે. 

પોસ્ટ ઑફિસના સચિવ એ.એન.નંદાના જણાવ્યા અનુસાર,
પોસ્ટ ઑફિસે પોતાના 1,55,000 પોસ્ટ ઑફિસોના નેટવર્કના માધ્યમથી સેવાઓ પ્રદાન કરી રહ્યા છે. બચત ખાતા યોજનાઓના રૂપમાં વિભાગે છોકરીઓ માટે 1.47 લાખ સુકન્યા સમૃદ્ધિ યોજના ખાતા ખોલ્યા છે. 

એમને જણાવ્યું કે 13,352 આધાર કેન્દ્રો, 420 પોસ્ટ ઑફિસ પાસપોર્ટ સેવા કેન્દ્રો અને નવા ભારત માટે ડિજીટલ એડવાન્સમેન્ટ ઑફ રુરલ પોસ્ટ ઑફિસના માધ્યમથી પોસ્ટ ઑફિસ ગ્રાહકોને ગુણવત્તા સંપન્ન નાગરિક કેન્દ્રીય સેવાઓ આપવાનો પ્રયાસ કરી રહી છે. 
 

કેવી રીતે થશે એપ ડાઉનલોડ

• તમે ઇન્ડિયા પોસ્ટ મોબાઇલ બેંકિંગ એપને ગૂગલ પ્લે સ્ટોરથી ડાઉનલોડ કરી શકો છો.
• મોબાઇલ બેંકિંગ સુવિધાનો લાભ ઊઠાવતી સમયે પ્રત્યેક ગ્રાહક માટે મોબાઇલ નંબર યૂનિક હોવું જોઇએ. 
• કોઇ મોબાઇલ નંબરનો ઉપયોગ કોઇ અન્ય ગ્રાહક ઇન્ફોર્મેશન ફાઇલ માટે કરવામાં આવી શકે નહીં. 
• એક વખત ફોર્મ જમા કર્યા બાદ 24 કલાકની અંદર તમારી મોબાઇલ બેંકિંગ સુવિધા શરૂ થઇ જશે.