IPLIN
 

Asia Cup 2022 / ક્રિકેટ રસિયાઓ માટે ખુશખબર! આ તારીખે ફરી યોજાઈ શકે ભારત-પાક વચ્ચે મેચ, જાણો શેડ્યૂઅલ

Team VTV 02:43 PM, 29 Aug 22
Follow us
India-Pakistan next match may be held this week, know the schedule of Asia Cup

ભારતીય ટીમ 31 ઓગસ્ટે હોંગકોંગ સામે મેચ રમવાની છે અને જો ટીમ ઈન્ડિયા એ મેચ જીતી જાય છે તો તે સુપર ફોર મેચ માટે સરળતાથી ક્વોલિફાય થઈ જશે.

  • ભારતીય ટીમ 31 ઓગસ્ટે હોંગકોંગ સામે મેચ રમશે 
  • પાકિસ્તાનની ટીમે 2 સપ્ટેમ્બરે હોંગકોંગ સામે મેચ રમશે
  • 4 સપ્ટેમ્બરના રોજ ભારત-પાકિસ્તાનનો મેચ થઈ શકે

એશિયા કપ 2022ની શરૂઆત થઈ ગઈ છે. આ ટૂર્નામેન્ટની પહેલી મેચ શનિવારે શ્રીલંકા અને અફઘાનિસ્તાન વચ્ચે રમાઈ હતી. આ મેચમાં અફઘાન ટીમને આઠ વિકેટથી મોટી જીત મેળવી હતી. એ પછી ટૂર્નામેન્ટની બીજી સૌથી મોટી મેચ ભારત અને પાકિસ્તાન વચ્ચે ગઈકાલે રવિવારે દુબઈમાં રમાઈ હતી. આ મેચમાં ભારતીય ટીમે પાંચ વિકેટથી એક રોમાંચક વિજય મેળવ્યો હતો.

જણાવી દઈએ કે 4 સપ્ટેમ્બરે ફરી એક વખત સુપર ફોર મેચમાં ભારત અને પાકિસ્તાનની ટીમ આમને-સામને આવી શકે છે. વાત એમ છે કે ભારત અને પાકિસ્તાન સિવાય હોંગકોંગની ટીમને ગ્રુપ Aમાં રાખવામાં આવી છે. હોંગકોંગની ટીમ બંને ટીમો કરતા ઘણી નબળી સાબિત થાય છે. ભારતીય ટીમ 31 ઓગસ્ટે હોંગકોંગ સામે મેચ રમવાની છે અને જો ટીમ ઈન્ડિયા એ મેચ જીતી જાય છે તો તે સુપર ફોર મેચ માટે સરળતાથી ક્વોલિફાય થઈ જશે.

4 સપ્ટેમ્બરના રોજ ભારત-પાકિસ્તાનનો મેચ થઈ શકે
પાકિસ્તાનની ટીમે 2 સપ્ટેમ્બરે હોંગકોંગ સામે મેચ રમશે. જો પાકિસ્તાનની ટીમ આ મેચ જીતી જશે તો ગ્રુપ Aમાંથી બે વિજેતા ટીમો ફરી એકવાર 4 સપ્ટેમ્બરે દુબઈમાં આમને-સામને મેચ રમી શકે છે. હવે 31ઓગસ્ટનાના રોજ ટીમ ઈન્ડિયા હોંગકોંગ સામે હારી જાય તો આવી સ્થિતિમાં પાકિસ્તાનની ટીમે કોઈપણ સંજોગોમાં હોંગકોંગ સામે તેનો મેચ જીતવો પડશે. એ પછી ત્રણેય ટીમોના પોઈન્ટને ધ્યાનમાં લઈને સુપર ફોર મેચનો નિર્ણય લેવામાં આવશે. જો કે હોંગકોંગ ટીમ ઈન્ડિયા સામે ટકી નહીં શકે એવું દેખાઈ રહ્યું છે. એવામાં 4 સપ્ટેમ્બરના રોજ ભારત-પાકિસ્તાનનો મેચ થઈ શકે એવી સંભાવના જોવા મળી રહી છે. 

એશિયા કપ 2022ના બે મેચ પછી શેડ્યુઅલ કઇંક આવું 
30 ઓગસ્ટ: બાંગ્લાદેશ vs અફઘાનિસ્તાન, શારજાહ – સાંજે 7:30 
31 ઓગસ્ટ: ભારત vs હોંગકોંગ, દુબઈ – સાંજે 7:30 
1 સપ્ટેમ્બર: શ્રીલંકા vs બાંગ્લાદેશ, દુબઈ – સાંજે 7:30 
2 સપ્ટેમ્બર: પાકિસ્તાન vs હોંગકોંગ, શારજાહ - સાંજે 7:30 

સુપર ફોર મેચ:
3 સપ્ટેમ્બર: B1 vs B2, શારજાહ - સાંજે 7:30
4 સપ્ટેમ્બર: A1 vs A2, દુબઈ - સાંજે 7:30 
6 સપ્ટેમ્બર: A1 vs B1, દુબઈ - સાંજે 7:30 
7 સપ્ટેમ્બર: A2 vs B2, દુબઈ – સાંજે 7:30 
8 સપ્ટેમ્બર: A1 vs B2, દુબઈ – સાંજે 7:30 
9 સપ્ટેમ્બર: B1 vs A2, દુબઈ – સાંજે 7:30 

ફાઇનલ મેચ 
11 સપ્ટેમ્બરના રોજ દુબઈમાં સાંજે 7:30 વાગ્યે 

એશિયા કપ 2022 ભારતીય ટીમ ટીમ ઈન્ડિયા Asia Cup India-Pakistan Ind vs Pak Asia Cup 2022 IND vs PAK
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ