ઈકોનોમી / ડ્રેગનને લાગી શકે છે ઝટકો, ચીનની 24 મોબાઈલ કંપનીઓ ભારત આવવા ઉત્સુક : રિપોર્ટ

• 106 ચીની એપ્સ પર પ્રતિબંધ બાદ ફરી ભારત આપી શકે છે ચીનને ઝટકો
• ૨૪થી વધુ મોબાઈલ ઉત્પાદક કંપનીઓ ભારત આવવા માટે છે ઉત્સુક 
• ભારતમાં આવી શકે છે આશરે 1.5 અબજ ડોલરનું વિદેશી રોકાણ 

ભારતે ૧૦૬ ચીની એપ્સ ને બેન કર્યા બાદ ફરી એક વાર આર્થિક મોરચે ચીનને પાછુ પડવાની તૈયારીઓ કરી લીધી છે, કોરોનાના કારણે વિશ્વમાં ઘણી જગ્યાએથી ઈજ્જત ધોવાયા બાદ હવે ચીનનીકોઈ જ સાખ રહી નથી, તેની મુખ્ય તાકાત તેની આર્થિક પ્રગતિ છે, જેનું તેને ગુમાન છે, પણ હવે ત્યાજ ઉત્પાદન કરતી કંપનીઓમાં બેન થવાનો ભય વ્યાપ્યો છે જેના લીધે તે કંપનીઓ બીજા દેશોમાં સ્થાનાંતરિત થવાનું વિચારી રહી છે. 

24 મોટી મોબાઇલ કંપનીઓ, ચીન પર પ્રતિબંધના ભયને કારણે ભારત આવવાની તૈયારી કરી રહી છે

ચીનથી તેમના વ્યવસાયને વધારવાની ઇચ્છા રાખતી 24 કંપનીઓ ભારતમાં તેમના મોબાઇલ ફોન પ્રોડક્શન ફેક્ટરી સ્થાપવાની તૈયારી કરી રહી છે. આ સંદર્ભમાં આ કંપનીઓએ ભારતમાં મોબાઇલ ફોન ફેક્ટરી સ્થાપવા માટે આશરે 1.5 અબજ ડોલર ના રોકાણનું વચન આપ્યું છે. બે ડઝન મોબાઈલ કંપનીઓ ચીનમાંથી ધંધાનો સંકેલો કરીને ભારત આવવા માટે ઉત્સુક છે, આ કંપનીઓ ભારતમાં ફેક્ટરી સ્થાપવાની તૈયારી કરી રહી છે

ચીનને આર્થિક ધક્કો પહોંચાડવાનો ભારત સરકારનો પ્લાન સફળ થઇ રહ્યો હોય તેવું લાગે છે. હવે ચીનથી તેમના કારોબારને સંકેલો કરીને સ્થાનાન્તરિત કરવાની ઈચ્છા રાખતી 24 કંપનીઓ ભારતમાં પોતાનો મોબાઇલ ફોન પ્રોડક્શન ફેક્ટરી સ્થાપવાની તૈયારી કરી રહી છે.

અમેરિકા અને ચીન વચ્ચેનું ટ્રેડ વોર અને કોરોના વાયરસ ચેપ વચ્ચે વધતા વેપાર તણાવથી કંપનીઓ તેમની સપ્લાય ચેઇનમાં અવરોધ ઊભો થતાં ચિંતામાં મૂકાઈ ગઈ છે, કંપનીઓ તેની સપ્લાય ચેઇનમાં વિવિધતા લાવવા માંગે છે. આ જ કારણ છે કે આ કંપનીઓ ચીનની બહાર સપ્લાય કરવાના વિકલ્પો શોધી રહી છે.

$ 1.5 બિલિયનનું રોકાણ વચન

અમેરિકન ફર્મ બ્લૂમબર્ગના અહેવાલ મુજબ  મુજબ, સેમસંગ અને એપલ જેવા મોટા પ્લેયર્સના કોન્ટરેક્ચ્યુઅલ ભાગીદારો અથવા કે સહયોગી કંપનીઓ ભારત આવવા ચાહે છે. જેના માટે  આ કંપનીઓએ ભારતમાં મોબાઇલ ફોન ફેક્ટરી સ્થાપવા માટે 1.5 અબજ ડોલરના રોકાણનું વચન આપ્યું છે.

અગાઉ ચીનથી પોતાનો ધંધો વધારવા જઈ રહેલી કંપનીઓ વિયેટનામ, કંબોડિયા, મ્યાનમાર, બાંગ્લાદેશ અને થાઇલેન્ડ જવાનું પણ વિચારી રહી હતી, પરંતુ ભારતે હવે આ કંપનીઓને પોતાને ત્યાં આવવાનું પ્રોત્સાહન આપ્યું છે.

અબજો ડોલરનું રોકાણ અને લાખો લોકોને રોજગારી

ભારત સરકારનું માનવું છે કે તેની પ્રોડક્ટ લિંક્ડ પ્રોત્સાહન યોજના (પી.એલ.આઇ.) દેશમાં $ 153 અબજ ડોલરના ઇલેક્ટ્રોનિક માલનું ઉત્પાદન કરી શકે છે અને 1 મિલિયન લોકોને સીધી અથવા આડકતરી રોજગાર આપી શકે છે.

આ વર્ષે માર્ચમાં સરકારે દેશમાં મોબાઇલ ફોન અને કેટલાક ઇલેક્ટ્રોનિક ઘટકોના ઉત્પાદનને પ્રોત્સાહન આપવા માટે યોજના શરૂ કરી હતી. આ અંતર્ગત ભારતમાં બનેલી આવી ચીજો ઉપર 6 ટકા સુધી પ્રોત્સાહન આપવામાં આવે છે. બાદમાં બીજા ઘણા ક્ષેત્રોને પણ સમાન પ્રોત્સાહન આપવામાં આવ્યું હતું.

નોંધપાત્ર વાત એ છે કે અમેરિકન કંપની એપલ ભારતમાં તેની ઉત્પાદન ક્ષમતામાં વધારો કરી રહી છે. એપલના સપ્લાયર ફોક્સકોન પણ ભારતમાં1 બિલિયન ડોલરનું રોકાણ કરવાની યોજના બનાવી રહી છે.