રોહિતની 'સૌથી ફાસ્ટ' સેન્ચુરીના દમ પર ભારતે બનાવ્યા 260 રન

ટીમ ઇન્ડિયા અને શ્રીલંકાની વચ્ચે 3 મેચની T-20 સીરિઝની બીજી મેચ ઇન્દોરના હોલ્કર સ્ટેડિયમમાં રમાઇ રહી છે. ટૉસ હારીને પહેલા બેટિંગ કરવા માટે આવેલી ટીમ ઇન્ડિયાએ 20 ઑવરમાં 5 વિકેટ ગુમાવીને 260 રન કર્યા અને શ્રીલંકાને જીત માટે 261 રનનો ટાર્ગેટ આપ્યો છે. ટીમ ઇન્ડિયાની તરફથી રોહિત શર્માએ સૌથી ફાસ્ટ T-20 સેન્ચુરીનો વર્લ્ડ રેકોર્ડની બરાબરી કરતા 35 બૉલમાં સેન્ચુરી કરી અને રોહિત 43 બૉલમાં 118 રન કર્યા. આ T-20 ક્રિકેટનો ટીમ ઇન્ડિયા તરફથી સૌથી સર્વોચ્ચસ સ્કોર છે. ટીમ ઇન્ડિયાએ આ મેચમાં 21 બાઉન્ડ્રી અને 21 સિક્સર્સ ફટકારી

આ પહેલા શ્રીલંકાના કેપ્ટન થિસારા પરેરાએ ટૉસ જીતીને પહેલા બૉલિંગ કરવા માટેનો નિર્ણય લીધો અને ટીમ ઇન્ડિયાને બેટિંગ કરવા માટે આમંત્રણ આપ્યુ. ભારતીય ટીમમાં કોઇ બદલાવ નથી કરવામાં આવ્યુ જ્યારે શ્રીલંકાઇ ટીમમાં 2 બદલાવ કરવામાં આવ્યા છે. વિશ્વ ફર્નાડો અને દાસુન શનાકાની જગ્યાએ ચતરુંગા ડી સિલ્વા અને સદીરા સમરવિક્રમાને પ્લેઇંગ ઇલેવનમાં શામેલ કરવામાં આવ્યા છે.

આ પહેલા T-20 ઇન્ટરનેશનલમાં સૌથી વધારે સ્કોરનો રેકોર્ડ ઓસ્ટ્રેલિયાના નામે છે જેણે 6 સપ્ટેમ્બર 2016ના શ્રીલંકા વિરુદ્ઘ પલ્લેકલમાં 20 ઑવરમાં 3 વિકેટ ગુમાવીને 263 રન બનાવ્યા હતા.

આ સિવાય શ્રીલંકાને 14 સપ્ટેમ્બર 2007ના કેન્યા વિરુદ્ઘ 260/6 નો સ્કોર બનાવ્યો હતો.