વાતચીત / LAC પર તણાવ વચ્ચે ભારતનો ચીનને સ્પષ્ટ સંદેશઃ 'સેના તો હટાવવી જ પડશે'

• ભારત-ચીન વચ્ચે 15 કલાક મંથન
• ભારતે કહ્યું, 'સેના તો હટાવવી જ પડશે'
• પૂર્વ લદ્દાખમાંથી સેના હટાવવા વાતચીત

ભારત અને ચીન વચ્ચે રવિવારે સીમા વિવાદ પર 9મી વખતની વાતચીત થઈ હતી. ભારતે ચીને બે શબ્દમાં સંદેશ આપતા કહ્યું કે લદ્દાખના તમામ સંઘર્ષ વાળા સ્થળોથી સેનાને સંપૂર્ણ રીતે હટાવી લેવામાં આવે. આશરે અઢી મહિના બાદ ભારત અને ચીનની સેનાઓ વચ્ચે કોર કમાન્ડર સ્તરની નવમા તબક્કાની વાતચીત થઈ હતી.
 

જેનો ઉદ્દેશ પૂર્વ લદ્દાખમાંથી સેના પાછી ખેંચવાની પ્રક્રિયાને આગળ વધારવાનો હતો. મળતી માહિતી મુજબ કમાન્ડર સ્તરની વાતચીત લદ્દાખના વાસ્તવિક નિયંત્રણ રેખા પર ચીન તરફ મોલ્દો માં બેઠક શરૂ થઈ હતી. જે બેઠક 15 કલાક સુધી ચાલી હતી.

6 નવેમ્બરના રોજ આઠમા રાઉન્ડની થઇ હતી વાતચીત

આ પહેલા 6 નવેમ્બરના રોજ આઠમા તબક્કાની વાતચીત બંને પક્ષને ટક્કરવાળા ખાસ સ્થાનો પર પાછળ હટાવવા પર વ્યાપક ચર્ચા કરી હતી. આઠમા તબક્કાની બેઠકમાં બંને પક્ષોનો દેશના નેતાઓ દ્વારા સંપન્ન મહત્વપૂર્ણ સહમતિને લાગુ કરવા, સેનાના સંયમ બનાવી રાખવા અને ખોટી અફવાથી બચવા પર સહમતિ જોવા મળી. 
 

છેલ્લા 5 વર્ષથી ચાલી રહ્યો છે તણાવ

પૂર્વી લદ્દાખમાં પહેલી વખત 5 મેના રોજ બંને દેશોના સૈનિક વચ્ચે ટકરાવ થયો હતો. ત્યારબાદ ભારે ઠંડીના મોસમમાં પૂર્વી લદ્દાખમાં ભારતમાં ઘણ બધી જગ્યાઓ પર 50 હજારથી વધારે જવાનોને તૈનત કરી રાખ્યા છે. 

ચીને તોડી સંધિ, LAC પર તૈનાત કર્યા સૈનિક

આ વચ્ચે ચીનની સેનાએ ચુપચાપથી LACની પાસે તણાવની વચ્ચે સૈનિકો તૈનાત કર્યાં છે, જ્યારે ચાર મહિના પહેલા જ બંને દેશોની વચ્ચે સંધિ થઇ હતી. જેમાં નક્કી કરવામાં આવ્યું હતું કે તણાવવાળા મોરચા પર બંને દેશ સૈનિકોનો જમાવડો નહીં કરે.