ચીનની સાથે ચાલી રહેલા તણાવ વચ્ચે અમેરિકાએ સાઉથ ચાઇના સીને લઇને હિંદ મહાસાગરમાં પોતાનું પેટ્રોલિંગ વધારી દીધું છે. ચીનની નજીક સાઉથ ચાઇના સીમાં યુદ્ધાભ્યાસ પૂર્ણ કર્યા બાદ અમેરિકન નેવીના સાતમાં મોટોમાં સામેલ એરક્રાફ્ટ કેરિયર યૂએસએસ નિમિત્ઝ હવે આંદામાન નિકોબાર દ્વીપસમૂહની પાસે પહોંચી ચૂક્યું છે. આ વિસ્તારમાં ભારતીય નૌસેના પહેલાથી જ યુદ્ધાભ્યાસ કરી રહી છે.
એશિયામાં અમેરિકાના ત્રણ એરક્રાફ્ટ કેરિયાર તૈનાત
હિંદ મહાસાગરમાં ચીનને ઘેરવામાં ફાયદો
ભારતની સાથે અમેરિકા, જાપાન અને ઓસ્ટ્રેલિયા ચીનને ઘેરવા તૈયાર
એશિયામાં અમેરિકાના ત્રણ એરક્રાફ્ટ કેરિયાર તૈનાત
હિંદ મહાસાગરમાં ચીનની વધતી ગતિવિધિ પર લગામ લગાવવા માટે અમેરિકાએ પોતાના ત્રણ એરક્રાફ્ટ કેરિયર્સને આ વિસ્તારમાં તૈનાત કર્યા છે. હાલમાં એક યૂએસએસ રોનાલ્ડ રીગન સાઉથ સીમાં જ્યારે યૂએએસએસ થિયોડોર રૂજવેલ્ટ ફિલીપીન સાગરની આસપાસ પેટ્રોલિંગ કરી રહ્યું છે. ત્યારે અમેરિકાની આક્રામક ગતિવિધિઓથી હડધૂત થયેલું ચીન વારંવાર યુદ્ધની ધમકી આપી રહ્યું છે.
કેટલુ શક્તિશાળી છે યૂએસએસ નિમિત્જ
અમેરિકાના સુપર કેરિયર્સમાં યૂએસએસ નિમિત્જ ખુબજ શક્તિશાળી માનવામાં આવે છે. પરમાણુ શક્તિથી ચાલનારા આ એરક્રાફ્ટ કેરિયરને અમેરિકન નૈસેનામાં 3 મે 1975માં કમિશન કરવામાં આવ્યું હતું. આ કેરિયર સ્ટાઇક ગ્રુપના 11નું અંગ જે એકલા પોતાના દમ પર કેટલાક દેશોને બરબાદ કરવાની તાકાત ધરાવે છે. 332 મીટર લાંબા આ એરક્રાફ્ટ કેરિયર પર 90 લડાકૂ વિમાન અને હેલિકોપ્ટર્સ સિવાય 3000 જેટલા નૌસૈનિકો તૈનાત હોય છે.
એક સમયે ભારત વિરૂદ્ધ જંગમાં પહોંચ્યું હતું અમેરિકાનું 7મું એરક્રાફ્ટ
એરક્રાફ્ટ કેરિયર યૂએએસ નિમિત્સ અમેરિકાના સાતમાં મોટા ક્રાફ્ટમાં સામેલ છે. આ ક્રાફ્ટ 1971ના ભારત પાકિસ્તાન યુદ્ધ દરમિયાન બંગાળની ખાડી નજીક પહોંચી ચૂક્યું હતું. તેનો ઉદ્દેશ્ય હતો કે બાંગ્લાદેશમાં (પૂર્વ પાકિસ્તાન) હારી રહેલી પાકિસ્તાની સેનાને મદદ કરવાનો હતો. પરંતુ તે સમયે ભારતની સાથે રશિયાના મજબૂતીથી ઉભી રહી ગયું. જેના કારણે અમેરિકાનું સાતમાં ક્રાફ્ટ પરત ફર્યું.
હિંદ મહાસાગરમાં ચીનને ઘેરવામાં ફાયદો
ભારતની સાથે અમેરિકા, જાપાન અને ઓસ્ટ્રેલિયા હિંદ મહાસાગરમાં ચીનને ઘેરવા માટે તૈયાર બેઠા છે. જો હવે ડ્રેગને કોઈપણ હરકત કરી તો તેનું પરિણામ ભોગવવું પડશે. ચીનના વેપારનો મોટો ભાગ હિંદ મહાસાગર દ્વારા ખાડી અને આફ્રિકન દેશોમાં જાય છે. જ્યારે, ચીન પોતાની ઉર્જા જરૂરિયાતોને મોટા પ્રમાણમાં આયાત આ રસ્તે જ કરે છે. જો ભારતીય નૌસેનાએ આ રૂટને બ્લોક કરી દીધો તો ચીનને તેલ સહિત કેટલીક વસ્તુઓ માટે તંગી વેઠવી પડશે. હજુ ચીન-પાકિસ્તા ઇકનૉમિક કૉરિડૉર પણ પૂરો નથી થયો તેવામાં ચીન આ રસ્તે પણ કોઈ આયાત-નિકાસ નથી કરી શકતું.
આંદામાનમાં ભારત પણ કરી રહ્યું છે યુદ્ધાભ્યાસ
ચીન સાથે ચાલી રહેલા તણાવ વચ્ચે ભારત પણ આંદામાન નિકોબાર દ્વીપસમૂહની પાસે યુદ્ધાભ્યાસ કરી રહ્યું છે. જેમાં વિનાશક યુદ્ધપોત, પેટ્રોલ એરક્રાફ્ટ અને સબમરિન સામેલ છે. આ સિવાય સબમરિન શોધનાર એરક્રાફ્ટ Poseidon-8I, જેમાં ઘાતક હારપૂન બ્લૉક મિસાઇલ લાગેલી છે, MK-54 લાઇટવેટ ટોરપીડોઝ સહિત પણ આ ડ્રિલનો ભાગ છે. આ પહેલા મલ્લકામાં ભારત અને જાપાને પણ ગત મહિને ડ્રિલ કરી હતી. પરંતુ તેઓ સીમિત સ્તરની હતી.