જૈશ એ મહમ્મદના ચીફ મસૂદ અઝહરને આંતરરાષ્ટ્રીય આતંકી જાહેર કર્યા બાદ હવે ભારત પાકિસ્તાનને ઘેરવા માટે નવી યોજના બનાવી રહ્યું છે. મસૂદ બાદ હવે પાકિસ્તાનને બ્લેક લિસ્ટમાં નાખવા માટે ભારતે તૈયારીઓ કરી લીધી છે. અરૂણ જેટલીએ તાજેતરમાં જ કહ્યું કે ભારત આંતરરાષ્ટ્રીય મની લોન્ડ્રિંગ એન્ડ ટેરર ફાયનાન્સ વોચ ડોગને પાકિસ્તાનને બ્લેકલિસ્ટમાં નાખવા માટે કહેશે.
મહત્વનું છે કે ફાઇનાન્સિયલ એક્શન ટાસ્ક ફોર્સે પહેલાથી જ પાકિસ્તાનને પોતાના ગ્રે લિસ્ટમાં રાખ્યું છે. આ લિસ્ટમાં એ દેશોને રાખવામાં આવે છે જે મની લોન્ડ્રિંગ અને આતંકી ફન્ડિંગ પર અંકુશ લગાવવામાં યોગ્ય પગલા ન ઉઠાવતા હોય. અરૂણ જેટલીએ કહ્યું કે અમે ઈચ્છીએ છીએ કે પાકિસ્તાન FATF લિસ્ટમાં નીચે હોય. મહત્વનું છે કે આગામી થોડા દિવસોમાં પેરિસમાં FATFની બેઠક મળવાની છે, જેમાં ભારત પાકિસ્તાનને બ્લેક લિસ્ટમાં નાખવા માટે અપીલ કરશે. જોકે આ મામલે પાકિસ્તાનને પણ પહેલાથી જ ગંધ આવી ગઈ છે.
નાણાં પ્રધાન અરૂણ જેટલીએ જણાવ્યું હતું કે ભારત આંતરરાષ્ટ્રીય મની લોન્ડ્રરિંગ એન્ડ ટેરર ફાઇનાન્સ વોચડોગમાં આંતરરાષ્ટ્રીય નિયમોનું જે પાલન નથી કરતાં દેવા દેશોની બ્લેક લિસ્ટની યાદીમાં પાકિસ્તાનને મુકવા અંગે જણાવશે. ટેરર ફન્ડિંગ પર નજર રાખનારી વૈશ્વિક સંસ્થા ફાઇનાન્સિયલ એકશન ટાસ્ક ફોર્સ (એફટીએફ) દ્વારા પહેલાંથી જ પાકિસ્તાનને પોતાના ગ્રે લિસ્ટની યાદીમાં મુકી દીધું છે.