સતત નકારાત્મક (નેગેટિવ) સમચારોની વચ્ચે મોદી સરકાર માટે એક ખુશખબર આવી છે. ભારત દુનિયાની પાંચમી સૌથી મોટી અર્થવ્યવસ્થાવાળો દેશ બની ગયો છે. 2.94 ટ્રિલિયન ડૉલરની ઇકોનોમીની સાથે ભારતે 2019માં બ્રિટેન અને ફ્રાંસને પાછળ રાખી દીધું છે. પ્રધાનમંત્રી નરેન્દ્ર મોદીએ આવનારા પાંચ વર્ષની અંદર ભારતને 5 ટ્રિલિયન ડૉલરની ઇકોનોમી બનાવાનું લક્ષ્ય રાખ્યું છે.
નેગેટીવ સમાચારોની વચ્ચે આવી એક ખુશખબર
ભારત દુનિયાની 5મી ઇકોનોમી બની ગયું
ભારતે આ મામલે બ્રિટેન, ફ્રાંસને પાછળ રાખ્યું
અમેરિકાના શોધ સંસ્થાન વર્લ્ડ પોપુલેશન રીવ્યુએ પોતાની રિપોર્ટમાં કહ્યું કે આત્મનિર્ભર બનવાની પૂર્વની નીતિથી ભારત હવે આગળ વધતાં એક ઓપન માર્કેટવાળી અર્થવ્યવસ્થા તરીકે વિકસીત થઇ રહ્યું છે.
શું કહેવામાં આવ્યું છે રિપોર્ટમાં
રિપોર્ટમાં જણાવામાં આવ્યું છે કે GDP ના મામલે ભારત 2.94 લાખ કરોડ (ટ્રિલિયન) ડૉલર સાથે દુનિયાની પાંચમી મોટી અર્થવ્યવસ્થાવાળો દેશ બની ગયો છે. આ મામલમાં ભારતે 2019માં બ્રિટેન અને ફ્રાંસને પાછળ છોડી દીધાં છે.
રિપોર્ટ અનુસાર બ્રિટેનની અર્થવ્યવસ્થા 2.83 ટ્રિલિયન ડોલર છે, જ્યારે ફ્રાંસનો 2.7 ટ્રિલિયન ડૉલર છે. PPP ના આધાર પર ભારતનો જીડીપી 10.51 ટ્રિલિયન ડૉલર છે અને જાપાન તેમજ જર્મની સૌથી આગળ છે. જો કે ભારતમાં સૌથી વધારે જનસંખ્યા હોવાના કારણે પ્રતિ વ્યક્તિ GDP માત્ર 2170 ડૉલર છે. અમેરિકામાં પ્રતિ વ્યક્તિ GDP 62,794 ડૉલર છે. રિપોર્ટમાં એમ પણ જણાવાયું છે કે ભારતનો GDP વૃદ્ધિ દર સતત ત્રીજા ત્રિમાસિકમાં કમજોર રહી શકે છે અને 5 ટકાની આસપાસ રહી શકે છે.
કોંગ્રેસની પ્રશંસા કરવામાં આવી છે
રિપોર્ટમાં કોંગ્રેસના સમયમાં શરૂ કરવામાં આવેલી ઉદારીકરણની પ્રશંસા કરવામાં આવી છે. રિપોર્ટમાં જણાવાયું છે કે ભારતમાં આર્થિક ઉદારીકરણ 1990ના દાયકામાં શરૂ થયો. ઉદ્યોગોને નિયંત્રણ મુક્ત બનાવાયો અને વિદેશ વેપાર તેમજ રોકાણ પર નિયંત્રણ ઓછું કરવામાં આવ્યું.
GDP ગ્રોથ થયો સુસ્ત
ઉલ્લેખનીય છે કે GDP ગ્રોથના મામલે ભારતીય અર્થવ્યવસ્થાની સ્થિતિ સારી નથી. હાલમાં ઘણી બધી રેટિંગ એજન્સીઓ ભારતના GDP ગ્રોથના અનુમાનને ઘટાડી દીધું છે. રેટિંગ એજન્સી મૂડીઝ ઇન્વેસ્ટર્સ સર્વિસે વર્ષ 2020 માટે ભારતના GDP ગ્રોથ અનુમાન ઘટાડી દીધું છે.
મૂડીઝે જણાવ્યું છે કે નોવેલ કોરોના વાયરસ (Covid-19) ના કહેરના કારણે વૈશ્વિક અર્થવ્યવસ્થામાં જે સુસ્તી આવી છે, તેના કારણે ભારતના GDP ગ્રોથની તેજીમાં ઘટાડો જોવા મળ્યો છે. ભારતમાં હાલ કોઇપણ પ્રકારનો સુધારો જોવાની આશા ઓછી છે.