15 ઓગસ્ટ પહેલા કોઈ પણ પ્રકારની અનિચ્છનિય ઘટના ટાળવા માટે દિલ્હી પોલીસે લાલકિલ્લાની સામે પહેલી વાર મોટા મોટા કન્ટેનર ઊભા કરી દીધા છે.
15 ઓગસ્ટ પહેલા દિલ્લી પોલીસની વિશેષ ગોઠવણી
લાલકિલ્લાની સામે પહેલી વાર મોટા મોટા કન્ટેનર ઊભા કરી દીધા
મોટા મોટા કન્ટેનર ઊભા કરાયા હોવાથી લાલકિલ્લો જોવા નહીં મળે
15 ઓગસ્ટ પહેલા કોઈ પણ પ્રકારની સંભવિત ઘટના અટકાવવા માટે દિલ્હી પોલીસે એક મોટું પગલું ભર્યું છે. મોટા મોટા કન્ટેનર લગાડાયા હોવાથી લાલકિલ્લા નજરે નહીં પડે. સાથે આ કન્ટેનર્સ પર પેન્ટિંગ અને સીનરી પણ લગાડાઈ દેવાઈ છે. 15 ઓગસ્ટ અંગે સુરક્ષા એજન્સીઓએ પહેલેથી એલર્ટ જારી કરી દીધું છે.
આ એલર્ટ બાદ દિલ્હી પોલીસે પહેલી વાર આ નિર્ણય કર્યો છે. દિલ્હી પોલીસના સૂત્રોએ જણાવ્યું કે 15 ઓગસ્ટની સુરક્ષાને ધ્યાનમાં રાખીને આ વ્યવસ્થા કરાઈ રહી છે.
લાલકિલ્લાના એન્ટ્રી પોઈન્ટ પર ડ્રોન રડાર સિસ્ટમ પણ ફીટ
પોલીસ સૂત્રોએ જણાવ્યું કે લાલકિલ્લાના એન્ટ્રી પોઈન્ટ પર ડ્રોન રડાર સિસ્ટમ પણ ફીટ કરવામાં આવી રહી છે. આ સિસ્ટમ ડ્રોનને શોધીને જામ કરી દેશે. આની રેન્જ લગભગ 5 કિલોમીટરની છે. એટલે કે લાલિક્લાના 5 કિમીના વિસ્તારમાં જો કોઈ ડ્રોન ઉડાવશે તો એન્ટી ડ્રોન રડાર સિસ્ટમ તેને નિષ્ક્રીય કરી દેશે.
ઓલિમ્પિકના ખેલાડીઓના બેસવાની અલગ વ્યવસ્થા કરાઈ
75 મા સ્વતંત્રતા દિવસના પ્રસંગે પ્રધાનમંત્રી મોદીએ ઓલિમ્પિકના તમામ ખેલાડીઓને લાલકિલ્લા પર આમંત્રિત કર્યાં હોવાથી સુરક્ષા એજન્સીઓએ તેમને માટે અલગથી કોરિડોર પણ બનાવી છે. તેમના બેસવાની વ્યવસ્થા પણ બાકીના મહેમાનોથી અલગ હશે. ખાસ વાત એ છે કે પીએમ મોદી દરેક ખેલાડીને અંગત રીતે મળીને વાતચીત કરશે.