ભારત અને ન્યુઝીલેન્ડ વચ્ચે ચાલતી સીરીઝમાં ભારતે વિજયી શરૂઆત કરી છે. ન્યૂઝીલેન્ડનાં 204 રનનાં લક્ષ્ય સામે ભારતે વિજય હાંસલ કરી. ધીમી શરૂઆત કર્યા બાદ રોમાંચક મેચમાં ભારત છેલ્લી ઓવરમાં વિજયી રહ્યું.
ન્યુઝીલેન્ડ વિરુદ્ધ ભારતની ઐતિહાસિક જીત
વિરાટ કોહલીએ 45 જયારે રાહુલે 56 રન ફટકાર્યા
ભારત અને ન્યુઝીલેન્ડ વચ્ચે પાંચ મેચોની સીરીઝનો પહેલો મુકાબલો ઈડન પાર્કમાં થયો હતો. ટોસ હારીને પહેલાં બેટિંગ કરવા ઉતરેલી ટીમ ન્યુઝીલેન્ડની ટીમે 20 ઓવરમાં 5 વિકેટ ગુમાવીને 203 રન બનાવ્યા અને ભારતને 204 રનનું લક્ષ્ય આપ્યું. જે બાદ ભારતે 19મી ઓવરમાં જીત હાંસલ કરી હતી.
કે એલ રાહુલ અને વિરાટ કોહલીએ મળીને 99 રનની પાર્ટનરશીપ કરી
ભારતની શરૂઆત ખુબ જ ખરાબ રહી. રોહિત શર્માનાં રૂપમાં ભારતને પહેલો ઝટકો 16 રનનાં કુલ સ્કોર પર જ લાગ્યો. રોહિત શર્મા 7 રન બનાવીને આઉટ થયા. જોકે તે બાદ કે એલ રાહુલ અને વિરાટ કોહલીએ મળીને 99 રનની પાર્ટનરશીપ કરી. કેએલ રાહુલ 27 બોલમાં 56 રન બનાવીને આઉટ થઇ ગયા. રાહુલના આઉટ થવા પર ભારતને બીજો ઝટકો લાગ્યો અને રાહુલે 4 ચોક્કા અને 3 છગ્ગા લગાવ્યા હતા. કેપ્ટન કોહલીએ 32 બોલમાં 45 રન બનાવ્યા અને 3 ચોક્કાની સાથે 1 છગ્ગો લગાવ્યો.
જસપ્રીત બુમરાહ અને રવીન્દ્ર જાડેજાએ એક-એક વિકેટ લીધી
ન્યુઝીલેન્ડની વાત કરીએ તો ન્યુઝીલેન્ડની ટીમે 20 ઓવરમાં 5 વિકેટ ગુમાવી 203 રન બનાવ્યા. કોલિન મુનરોએ સૌથી વધારે 59 રન બનાવ્યા જયારે રોસ ટેલર 54 રન બનાવી આઉટ થયા. કેપ્ટન વિલિયમ્સન 51 બનાવ્યા હતા. ભારત તરફથી યુજવેન્દ્ર ચહલ, જસપ્રીત બુમરાહ અને રવીન્દ્ર જાડેજાએ એક-એક વિકેટ લીધી. મોહમ્મદ સમી અને શિવમ દુબેએ સૌથી વધારે રન આપ્યા.