ભારતીય કેપ્ટન અને હિટમેન રોહિત શર્માએ વન-ડે બાદ હવે ટેસ્ટ ક્રિકેટમાં પણ ફૉર્મમાં વાપસી કરી છે. નાગપુર ટેસ્ટમાં તેમણે પોતાની 43મી આંતરરાષ્ટ્રીય સદી ફટકારી.
રોહિત શર્માએ વન-ડે બાદ હવે ટેસ્ટ ક્રિકેટમાં પણ ફૉર્મમાં વાપસી કરી
નાગપુર ટેસ્ટમાં રોહિત શર્માએ પોતાની 43મી આંતરરાષ્ટ્રીય સદી ફટકારી
રોહિત શર્માએ 171 બોલમાં પોતાની સદી પૂરી કરી
નાગપુર ટેસ્ટમાં રોહિત શર્માની શાનદાર સદી
ભારતીય કેપ્ટન રોહિત શર્માએ ઓસ્ટ્રેલિયા સામે બોર્ડર ગાવસ્કર ટ્રોફી 2023ની પહેલી ટેસ્ટમાં શાનદાર સદીની સાથે શરૂઆત કરી છે. નાગપુર ટેસ્ટમાં જ્યાં કાંગારૂ ટીમ સરેરાશ 177 રન પર ઓલઆઉટ થઇ હતી. તો જવાબમાં ભારતીય ટીમે રોહિતની સદીથી મેચ પર પોતાની પક્કડને મજબૂત બનાવી દીધી છે. રોહિત શર્માએ 14 ચોગ્ગા અને 2 છગ્ગાની સાથે 171 બોલમાં પોતાની સદી પૂરી કરી. આ સદીની સાથે હિટમેને ઓસ્ટ્રેલિયાના સ્ટાર ખેલાડી સ્ટીવ સ્મિથને પણ પાછળ ધકેલી દીધો.
આંતરરાષ્ટ્રીય ક્રિકેટમાં રોહિત શર્માની કારકિર્દીની 43મી સેન્ચુરી
રોહિત શર્માની ટેસ્ટ ક્રિકેટમાં જરૂર આ 9મી સદી છે, પરંતુ આંતરરાષ્ટ્રીય ક્રિકેટમાં આ તેમની કારકિર્દીની 43મી સેન્ચુરી થઇ ગઇ છે. આ મામલે રોહિતે હવે 42 આંતરરાષ્ટ્રીય સદી બનાવનારા સ્ટીવ સ્મિથ સહિત ક્રિસ ગેલ અને સનત જયસુર્યા જેવા દિગ્ગજોને પાછળ ધકેલી દીધા છે. ભારતીય કેપ્ટનના નામે વન-ડેમાં પણ 30 સદી નોંધાયેલી છે અને સચિન તેંડુલકર અને વિરાટ કોહલી બાદ આ સૌથી વધુ વન-ડે સદી બનાવનારા ભારતીય બેટર છે. બોર્ડર ગાવસ્કર ટ્રોફીના ઈતિહાસમાં રોહિત શર્માની આ પહેલી સદી છે. કેપ્ટન તરીકે તેઓ ત્રણેય ફોર્મેટમાં સદી ફટકારનારા પહેલા ભારતીય કેપ્ટન પણ બન્યાં. આની પહેલા વિરાટ કોહલીથી લઇને એમએસ ધોની સુધી કોઈ પણ ક્રિકેટર આવુ પરાક્રમ કરી શક્યુ નથી.
રોહિત શર્માએ હાલમાં ન્યુઝીલેન્ડ સામે વન-ડે સીરીઝમાં પણ સદી બનાવીને પોતાના જૂના અવતારમાં વાપસીના સંકેત આપ્યાં હતા. હવે ટેસ્ટ ક્રિકેટમાં પણ હિટમેને દુનિયાને ચેતવણી આપી છે. રોહિત શર્મા પહેલી વખત બોર્ડર ગાવસ્કર ટ્રોફીમાં કેપ્ટનશિપ કરી રહ્યાં છે.