ષડ્યંત્ર / હવાલા કૌભાંડ : બેંકમાંથી 3 કરોડ રૂપિયા ઉપાડતો હતો ચીની નાગરિક, ભારતીય યુવતી સાથે કર્યા હતા લગ્ન

• આવકવેરા વિભાગના દિલ્હી, ગુરુગ્રામ સહિત ૨૧ જગ્યાઓ પર દરોડા
• ચીની કંપનીઓ દ્વારા ચલાવતું ૧૦૦૦ કરોડ રૂપિયાનું હવાલા કૌભાંડ બહાર આવ્યું 
• મણિપુરની યુવતી સાથે લગ્ન કરીને રહેતા ચીની નાગરિકની કરાઈ ધરપકડ

સૂત્રો દ્વારા મળતી માહિતી મુજબ શેલ કંપનીઓ દ્વારા પૈસાની લેવડદેવડ કરવામાં આવી રહી હતી. જેમાં આ રેકેટમાં ઘણા ચીની નાગરિકો, તેમના ભારતીય સાથીઓ અને બેંક કર્મચારીઓ સામેલ હતા. સેન્ટ્રલ બોર્ડ ઓફ ડાયરેક્ટ ટેક્સ (સીબીડીટી)એ મંગળવારે સાંજે આ માહિતી આપી હતી. 

આવકવેરા વિભાગની તપાસમાં હજી સુધી આ મોટી બાબતો પ્રકાશમાં આવી છે

# શંકાસ્પદ લાઉ સાંગ તેની ઓળખ બદલીને ભારતમાં રહેતો હતો. તે ચાર્લી પેંગ બની ગયો હતો અને પોતાને ભારતીય નાગરિક કહેતો હતો. તેની પાસે નકલી પાસપોર્ટ અને ભારતનું આધારકાર્ડ છે, ચાર્લીએ મણિપુરની યુવતી સાથે લગ્ન કર્યા.

# લાઉ હવાલા દ્વારા દરરોજ ત્રણ કરોડ રૂપિયા ઉપાડતો હતો, જેમાં  તેને બંધન બેંક અને ICICI બેંકના અધિકારીઓ દ્વારા મદદ કરવામાં આવી હતી. ચીની શંકાસ્પદ વ્યક્તિ પાસે લગભગ 40 બેંક ખાતા છે.

# આવકવેરા વિભાગે તેમના દરોડામાં બેંક અધિકારીઓને ત્યાં પણ દરોડા પાડ્યા હતા.

# આ કૌભાંડ લગભગ ત્રણ વર્ષોથી ચાલતું હતું, જેમાં બનાવટી કંપનીઓ બનાવવામાં આવી હતી. કૌભાંડની કુલ કિંમત 1000 કરોડનો આંકડો પાર કરી શકે છે.

# આરોપી વારંવાર પોતાનું સ્થળ બદલતો રહેતો હતો, પહેલા તે દ્વારકા, દિલ્હી અને પછી ડીએલએફ વિસ્તારમાં રહેતો હતો.

# આમાં ફક્ત ચીની નાણાં જ નહીં પરંતુ હોંગકોંગ, યુએસ ડોલરનું પણ કૌભાંડ હતું.

મળ્યા છે હવાલા ટ્રાન્ઝેક્શન અને મની લોન્ડરિંગના દસ્તાવેજો

આવકવેરા વિભાગે દિલ્હી, ગાઝિયાબાદ અને ગુરુગ્રામમાં 21 સ્થળોએ દરોડા પડ્યા હતા.  જોકે, સીબીડીટી દ્વારા હજુ સુધી કંપનીઓના નામ જાહેર કરવામાં આવ્યાં નથી. સીબીડીટીએ જણાવ્યું હતું કે દરોડામાં હવાલા ટ્રાન્ઝેક્શન અને મની લોન્ડરિંગના દસ્તાવેજો પણ મળી આવ્યા છે.

1000 કરોડથી વધુનું કૌભાંડ હોવાની શક્યતા

હકીકતમાં, પ્રારંભિક તપાસમાં 300 કરોડના હવાલાના ધંધાનો ખુલાસો થયો હતો. પરંતુ આ આંકડો 1000 કરોડ રૂપિયાથી વધુનો છે. એક તરફ, જ્યાં ચીની સૈન્ય એલએસી પર તણાવ પેદા કરી રહ્યું છે, તો બીજી તરફ ધંધાની આડમાં, દિલ્હીમાં ચીની નાગરિકોના કૌભાંડનો મોટો ખુલાસો થયો છે. આ કૌભાંડ એટલું મોટું છે કે રકમ 1000 કરોડથી પણ આગળ વધી શકે છે. આવકવેરા વિભાગે ચાઇનીઝ કંપનીઓ અને હવાલા નેટવર્કના જોડાણનો પર્દાફાશ કર્યો છે.

100 કરોડ રૂપિયાની એડવાંન્સ લીધી હતી 

સીબીડીટીએ કહ્યું છે કે, ચીની કંપનીઓની સહાયક કંપનીઓ અને સંબંધિત લોકોએ ભારતમાં બનાવટી ધંધો કરવાના નામે શેલ કંપનીઓ પાસેથી આશરે 100 કરોડની એડવાન્સ લીધી છે. લેવડ દેવડમાં યુએસ અને હોંગકોંગના ડોલર્સનો ઉપયોગ થયો છે. 

1000 કરોડથી વધુની ક્રેડિટ એન્ટ્રી

એક પ્રેસ રીલીઝ દ્વારા સીબીડીટીએ ચીની નાગરિકો પર દરોડાની માહિતી આપી હતી. આ મુજબ સર્ચ ઓપરેશનમાં ખુલાસો થયો છે કે આ ચીની નાગરિકોએ બનાવટી કંપનીઓના નામે ચાલીસથી વધુ બેંક ખાતા ખોલાવ્યા હતા. જેમાં એક સમયગાળામાં રૂ. 1000 કરોડથી વધુની ક્રેડિટ એન્ટ્રી થઈ હતી.

નકલી ભારતીય પાસપોર્ટ પર રેટ ચીની નાગરિકની ધરપકડ 

આ કિસ્સામાં, આવકવેરા વિભાગ દ્વારા એક ચીની નાગરિકની અટકાયત કરવામાં આવી છે. તેની ઓળખ લુઓ સોંગ તરીકે થઈ છે, તે ચાર્લી પેંગના નામે રહેતો હતો અને તેની પાસેથી નકલી ભારતીય પાસપોર્ટ પણ મળી આવ્યા છે. તપાસમાં બહાર આવ્યું છે કે નકલી ભારતીય પાસપોર્ટ મણિપુરમાં રહીને બનાવડાવ્યો હતો. આ માટે તેણે  મણીપુરની યુવતી સાથે લગ્ન પણ કર્યા હોવાની વાત સામે આવી હતી.