હવે તમે કેશમાં મોટા ટ્રાન્ઝેક્શન કે લેવડદેવડ કરશો તો તુરત મેસેજ દ્વારા ઇન્કમટેક્સની નોટિસ તમને મોબાઇલ પર મળી જશે.
ઈન્કમટેક્સ હવે હાઈ વેલ્યૂ ટ્રાન્ઝેક્શનનું રિયલ ટાઈમ મોનિટરિંગ કરશે
ઇન્કમટેક્સ વિભાગ હવે હાઇ વેલ્યૂ ટ્રાન્ઝેક્શનનું રિયલ ટાઇમ મોનિટરિંગ કરશે. સાથે જ રિટર્ન ભરતી વખતે ફ્રી ફિલ્ડ ફોર્મમાં કેપિટલ ગેઇન, ડિવિડન્ડ અને વ્યાજથી થનારી આવકની વિગતોની જાણકારી ઇન્કમટેક્સ વિભાગને પહેલેથી જ પ્રાપ્ત હશે.
ઇન્કમટેક્સ વિભાગ ટ્રાન્ઝેક્શનને લઇને હવે કરદાતા સાથે સીધો સંપર્ક કરી શકે છે અને સાથે જ ઇન્કમટેક્સ વિભાગ એસએમએસ, ઇ-મેલ દ્વારા ટ્રાન્ઝેક્શનની ડિટેઇલ માગી શકે છે. હાઇ વેલ્યૂ ટ્રાન્ઝેક્શન પર આઇટી વિભાગની બાજ નજર રહેશે અને બેન્ક ટ્રાન્ઝેક્શનનું રિયલ ટાઇમ મોનિટરિંગ કરશે. બેન્કો અત્યારે ઇનેકમટેક્સ વિભાગને ટ્રાન્ઝેક્શનની ડિટેઇલ આપતી નથી. ટ્રાન્ઝેક્શનની માત્ર માસિક અને ત્રિમાસિક ડિટેઇલ અપાય છે, તેથી ઇન્કમટેક્સ વિભાગ હવે કરદાતા સાથે સીધો સંપર્ક રાખવા મોબાઇલ એપ્લિકેશન લોન્ચ કરવા જઇ રહી છે.
કરદાતાએ પ્રી ફિલ્ડ રિટર્નમાં મ્યુચ્યુઅલ ફંડ, શેર દ્વારા થયેલી આવકનું વિવરણ આપવું પડે છે. ડિવિડન્ડ પર ટીડીએસની જાણકારી ફોર્મ-૧૬માં આપવી પડશે.