ગાંધીનગરમાં સાયકો રેપિસ્ટની કરતૂત, સુરતમાં બાળકી પર આધેડે કર્યો રેપ તો ભરૂચમાં સગીરા પર અને સુરતમાં પરિણીતા પર દુષ્કર્મ થતાં સુરક્ષા સામે સવાલ ઊભા થયા છે.
ભરૂચ સગીરાના મૃતદેહનો આવ્યો રિપોર્ટ
દુષ્કર્મ બાદ કરાઇ સગીરાની હત્યા
તો સુરતના ચોક બજાર વિસ્તારમાં પરિણીતા સાથે દુષ્કર્મ
ભરૂચના આમોદ તાલુકાના સરભોણ ગામે સગીરાનો મૃતદેહ મળી આવ્યો હતો. મૃતદેહ મળ્યા બાદ સગીરાનો પોસ્ટમોર્ટમ અને સુરતથી FSL રિપોર્ટ આવ્યો. રિપોર્ટમાં ચોંકવાનારો ખુલાસો સામે આવ્યો છે. સગીરા સાથે દુષ્કર્મ કરવામાં આવ્યું અને ત્યારબાદ ગળુ દબાવી સગીરાની હત્યા કરવાાં આવી હતી. પોલીસે હવે આ મામલે રેપ વિથ મર્ડરનો ગુનો નોંધવાની તજવીજ શરૂ કરી છે. ગામના તળાવ પાસે લાકડા વિણવા માટે સગીરા ગઇ હતી ત્યારે તેણી સાથે આ ઘટના બની હતી.
સુરતમાં પરિણીતા સાથે દુષ્કર્મ
સુરત વધુ એક વખત શર્મસાર થયું છે હજુ તો પાંડેસરામાં બાળકી સાથે દુષ્કર્મના પડઘા શાંત થયા નથી ત્યારે સુરતના ચોક બજાર વિસ્તારમાં પરિણીતા સાથે દુષ્કર્મની ઘટના સામે આવતા હડકંપ મચ્યો છે. આરોપીએ પતિ અને સંતાનોને મારી નાખવાની ધમકી આપી પરિણીતા પર દુષ્કર્મ આચર્યુ હતું જે બાદ પરિણીતાએ ચોક બજાર પોલીસ સ્ટેશનમાં ફરીયાદ નોંધાવતા સમગ્ર બનાવ સામે આવ્યો છે. હાલ પોલીસે ફરિયાદના આધારે સઘન તપાસ કરી દુષ્કર્મ આચરનાર હિંમત નામના યુવકની ધરપકડ કરી વધુ પૂછપરછ હાથ ધરી છે. ગુજરાતમાં છેલ્લા 7 દિવસોમાં નાની બાળકીથી માંડી યુવતી પર રોજ 4 5 દુષ્કર્મની ઘટનાઓ પ્રકાશિત થઈ રહી છે. હવસખોરોને કડક સજા થાય તેવી માંગ ઉઠી છે.
છેલ્લા 2 વર્ષમાં દુષ્કર્મના આધિકારિક આંકડા
જિલ્લો
દુષ્કર્મની ઘટના
જિલ્લો
દુષ્કર્મની ઘટના
બનાસકાંઠા
140
વલસાડ
55
કચ્છ
123
સાબરકાંઠા
81
દાહોદ
61
અરવલ્લી
23
પંચમહાલ
43
જૂનાગઢ
23
પાટણ
115
મહીસાગર
63
મહેસાણા
42
ભાવનગર
102
ગીર સોમનાથ
74
સુરત
465
જામનગર
71
રાજકોટ
203
દેવભૂમિ દ્વારકા
28
પોરબંદર
23
સુરેન્દ્રનગર
46
અમદાવાદ
620
બોટાદ
36
વડોદરા
204
ભરૂચ
66
મોરબી
51
નવસારી
44
છોટાઉદેપુર
54
આણંદ
37
ગાંધીનગર
24
તાપી
25
અમરેલી
62
નર્મદા
49
ખેડા
36
રાજ્યસભાના સાંસદ અમી યાજ્ઞિકના મોટા આરોપ
ગુજરાતમાં મહિલાઓ સુરક્ષિત હોવાના દાવાઓ કરવામાં આવે છે. પરંતુ રાજ્યમાં છેલ્લા બે વર્ષમાં 3095 જેટલી દુષ્કર્મની ઘટનાઓ સામે આવી છે. ગુજરાતની નારી સુરક્ષાની વાસ્તવિકતા રાજ્યસભા સુધી પહોંચી છે. રાજ્યસભાના સાંસદ અમી યાજ્ઞિક કાયદા વ્યવસ્થાની સ્થિતિને રાજ્યસભામાં ઉઠાવશે. રાજ્ય સરકાર પર સાંસદ અમી યાજ્ઞિકે મોટો આરોપ લગાવતા કહ્યું કે, ગુજરાતમાં નારી સુરક્ષાની સ્થિતિ કથળી છે. સ્ત્રી પર અત્યાચારની વધતી ઘટનાને લઇ રાજ્યમાં ડ્રોપ આઉટ રેસીઓ વધ્યો છે. ગુજરાતમાં સૌથી વધુ દુષ્કર્મની ઘટના અમદાવાદમાં અને ત્યારબાદ સુરતમાં બની છે.રાજ્યમાં સૌથી વધારે અમદાવાદમાં દુષ્કર્મની 620 ઘટનાઓ બની છે.જ્યારે સુરતમાં છેલ્લા બે વર્ષમાં 465 દુષ્કર્મના કેસ નોંધાયા છે...રાજ્યમાં દરરોજ 4 દુષ્કર્મની ઘટના બનતી હોવાનું તારણ.