સામૂહિક દુષ્કર્મ / રાજકોટના ગોંડલ નજીક 8 નરાધમોએ મહિલાને પીંખી નાખતા ચકચાર, નરાધમો કારમાં લઈ ગયા...

• ગોંડલ નજીક મહિલા સાથે દુષ્કર્મ
• 8 જેટલા શખ્સોએ આચર્યું દુષ્કર્મ
• સમગ્ર મામલે પોલીસને કરાઇ જાણ

ગુજરાતમાં ગુનાખોરીનું પ્રમાણ વધતું હોય તેવું લાગી રહ્યું છે અનેક વાર હત્યા, અપહણર, દુષ્કર્મ અને લૂંટના કેસ સામે આવતા હોય છે ત્યારે રાજકોટના ગોંડલમાં મહિલા સાથે સામૂહિક દુષ્કર્મની ઘટના સામે આવી છે.  

મહિલાને માર મારી 8 જેટલા શખ્સોએ આચર્યું દુષ્કર્મ

મહિલાને પૈસા આપવાની લાલચ આપી પરિચિત શખ્સ મહિલાને કારમાં લઈ ગયો હતો જે બાદ મહિલાને માર મારી તેની સાથે દુષ્કર્મ કરવા આવ્યું હોય તેવું સામે આવ્યું છે, મહિલા પર  8 જેટલા શખ્સોએ સામૂહિક દુષ્કર્મ આચર્યું હોવાનું સામે આવતા ચકચાર મચી ગઈ છે. હાલ તો મહિલાને રાજકોટ સિવિલ હોસ્પિટલમાં સારવાર અર્થે ખસેડવામાં આવી છે. જો કે સમગ્ર મામલાની જાણ થતા રાજકોટ પોલીસ ઘટના સ્થળે દોડી આવી હતી અને મહિલાને સારવાર અર્થે ખસેડીને વધુ તપાસ હાથ ધરી હતી. 

ગોંડલ નજીક મહિલા સાથે દુષ્કર્મની ઘટના

મહત્વનું છે કે રાજ્યમાં દિવસે દિવસે ગુનાખોરીના કિસ્સાનું પ્રમાણ વધી રહ્યું છે, અપહણર, ચોરી, લૂંટફાટ, હત્યા, દુષ્કર્મ જેવા કિસ્સાઓ સામે આવતા હોય છે ત્યારે રાજકોટમાં બનેલી સામૂહિક દુષ્કર્મની ઘટનાએ ફરી રાજ્ય સરકાર અને પોલીસની કામગીરી પર સવાલો ઉભા કરી દીધા છે, રાજ્યમાં મહિલાઓ સુરક્ષિત હોવાનો દાવો કરવામાં આવે છે ત્યારે આવી ઘટના બનતા મહિલાની સુરક્ષા સામે પણ અનેક સવાલો ઉઠી રહ્યા છે. ગુજરાત જેવી વિકસિત રાજ્યમાં મહિલાઓ સુરક્ષિત નથી તેનો પૂરાવો રાજકોટમાં બનેલી સામૂહિક દુષ્કર્મની ઘટના પરથી લગવી શકાય છે.