મોટો વિવાદ / VIDEO: અમારા સમાજની મહિલાઓને ગરબા કેમ રમવા ન દીધા, મામલો પોલીસ સુધી પહોંચ્યો

• વડોદરાના પિપોલ ગામે ગરબા રમવાને લઈને થઈ મોટી બબાલ 
• દલિત સમાજની મહિલાઓને ગરબા રમતા રોકવામાં આવી 
• મહિલાઓ ભેગી થઈને પોલીસ મથકે પહોચતા મામલો ગરમાયો 

ગુજરાતમાં  હાલ નવરાત્રીના મોહલ ચાલી રહ્યો છે. લોકો શેરી ગરબાની મજા માણી રહ્યા છે. ત્યારે આવા સમયે વડોદરાના પિલોલ ગામમાં ગરબા રમવાને લઈને મોટી બબાલ સામે આવી છે. જે રાજ્ય ભરમાં ચર્ચાનું કેન્દ્ર બન્યું છે. આપને જાણીને નવાઈ લાગસે કે અહિયા મંદિરના ચોકમાં ગરબા રમવાને લઈને બબાલ થઈ છે. 

દલિત સમાજમાં રોષનો માહોલ 

પિપોલ ગામમાં દલિત સમાજની મહિલાઓને ગરબા રમતા રોકવામાં આવી તેવું ગામની મહિલાઓ આક્ષેપ કર્યો છે. આ બનાવને લઈને ભારે હોબાળો થયો હતો. પ્રાપ્ત થતિ માહિતી પ્રમાણે પદ્માબેન અને તૃપ્તિ બેન નામની મહિલાઓને ગરબા રમતા રોકવામાં આવી હતી .જેને લઈને દલિત સમાજ ભારે રોષે ભરાયો હતો.

ચાર વ્યક્તિઓ સામે ફરિયાદ નોંધાઈ 

અમારા સમાજની મહિલાઓને ગરબા રમવા દેવામાં કેમ ન આવ્યા તેવું કહીને દલિત સમાજના યુવકોએ ભારે હોબાળો કર્યો હતો. બનાવને લઈને પીલોલથી સાવલી પોલીસ મથકે મહિલાઓનું ટોળું પોલીસ સ્ટેશને પહોચ્યું હતું. જ્યા છત્રસિંહ, મુકેશ , લાલજદી અને તારાબેન નામના વ્યક્તિ સામે દલિત સમાજે ફરિયાદ નોંધાવી હતી. 

ગરબા રમતા રોકવામાં આવતા મામલો ઉગ્ર બન્યો 

ઉલ્લેખનીય છે કે સમગ્ર મામલે પિપોલ ગામમાં દલિત મહિલાઓને ગરબા રમવા ન દીધા જેના કારણે આ મામલો ગરમાયો હતો. જેમા દલિત સમાજે એકઠા થઈને ભારે હોબાળો કર્યો સાથેજ ગામની મહિલાઓ પોલીસ સ્ટેશન પહોચી હતી જેથી પોલીસે આ સમગ્ર મામલે ફરિયાદ નોંદીને આરોપીઓ સામે કાયદેસરની કાર્યવાહી આરંભી છે.