રાજકોટ શહેરમાં ITના દરોડાના મામલે રૂપિયા 10 કરોડની જંગી રોકડ રકમ ઝડપાઇ છે. રાજકોટમાં કુલ 5 બિલ્ડર્સને ત્યાં દરોડા પડ્યા હતાં. 44 સ્થળોએ સર્વેની કાર્યવાહી થઇ હતી. સવારે શરૂ થયેલી કાર્યવાહી હજુ પણ યથાવત છે.
17 જેટલા બેંક લોકર્સ સીલ કરવામાં આવ્યા હતાં. બેનામી વ્યવહારોના અનેક દસ્તાવેજો કબ્જે કરવામાં આવ્યા હતાં. એક એકાઉન્ટન્ટને ત્યાંથી ચોંકાવનારા દસ્તાવેજો મળ્યા હતાં. કાળા નાણાંનો આંકડો હજુ પણ વધશે.
સવારે 3 કરોડની રોકડ રકમ હાથ લાગી હતી. બપોર બાદ વધુ 7 કરોડની રોકડ રકમ મળી હતી. ડેકોરા ક્લાસિક પટેલ સહિતના બિલ્ડર્સને ત્યાં દરોડા પડ્યા હતાં. રાજકોટમાં રોકડ જપ્તીની વિક્રમ સર્જક ઘટના બની હતી.