છટકબારી / હજુ થઈ રહ્યા છે 'ટ્રિપલ તલાક'? સુરતમાં લોકોએ એવી છટકબારી કાઢી કે કાયદાશાસ્ત્રીઓ પણ વિચારમાં પડ્યા

• સુરતમાં ટ્રિપલ તલાક કાયદાની પણ છટકબારી શોધાઈ
• એકસાથે ત્રણ વખત તલાક નથી કહેવામાં આવતું 
• ત્રણ વખત જુદી જુદી રીતે કહી અપાય છે તલાક

દેશમાં જ્યારથી ટ્રિપલ તલાકનો કાયદો અમલી બન્યો છે.ત્યારથી મુસ્લિમ મહિલાઓમાં જાગૃતતા આવી છે. અને જેથી ટ્રિપલ તલાક ભોગ બનનારી મહિલાઓ હવે ટ્રિપલ તલાકના કાયદાને આધારે પોતાની સાથે થયેલા અન્યાય સામે ન્યાયની માંગણી કરવા આગળ આવે છે. પણ હવે અસામાજિક તત્વોએ ટ્રિપલ તાલાકના કાયદાથી બચવા ‘છટકબારી’ શોધી લીધી છે.  

માત્ર સુરતમાં જ 2300 જેટલા તલાક નોટરી કરાવી થયાનો અંદાજ

વાત કરીએ સુરતની તો સુરતમાં જ દર મહિને એક તલાક બતાવવામાં આવે છે. એટલે ટ્રિપલ તલાકના કાયદાનો છેદ જ ઊડી જાય. આમ સુરતમાં અત્યાર સુધીમાં 2300 તલાકનામાં થયાં હોવાનું અગ્રણી નોટરી દ્વારા જણાવાયું હતું. ડોક્યુમેન્ટ પર થતા તલાકની આ તદ્દન નવી જ પ્રથા છે. અગાઉ આ રીતના તલાકનામાં બનતાં જ ન હતાં. આ અંગેકાયદા ના જાણકારો જણાવ્યું હતું કે,સુરત સહિત દેશભરમાં છડેચોક છેતરપિંડી ચાલી રહી છે. કાયદાની છટકબારીનો લાભ લેવાય છે. ખરેખર તો જ્યારે-જ્યારે તલાક આપવામાં આવે ત્યારે ડોક્યુમેન્ટ બનાવવાના હોય.

ત્રણેય વખત તલાક કહીને નોટરી કરાવી લેવાય છે

એક તલાક આપે ત્યારે એક ડોકુયમેન્ટ, બીજો અને ત્રીજો એમ અલગ-અલગ ડોક્યુમેન્ટ બને. આ તો તલાક એકસાથે જ અપાય અને ડોક્યુમેન્ટ એવી રીતે બને કે દર મહિને એક તલાક લાગે. આ ડોક્યુમેન્ટ એક આધાર માટે બનાવવામા આવે છે કે છૂટાછેડા થઈ ગયા. અલબત્ત, તલાકના ડોકયુમેન્ટની આ નવી પ્રથામાં બંને પક્ષની સહમતી હોય છે. કાયદા અને શરિયત રીતે આ રીતના ડોક્યુમેન્ટને હજી કોઈએ પડકાર્યા નથી. આ નવી જ સિસ્ટમ છે, એટલે હાલ માની લેવાયું છે કે એ યોગ્ય જ છે.

કાયદા ના જાણકારો કહે છે આવા તલાક ગેરકાયદેસર છે

આ કાયદા બાદ કોઈપણ સ્વરૂપમાં અપાયેલા ટ્રિપલ તલાક એ પછી મૌખિક હોય, લેખિત હોય કે મેસેજ દ્વારા હોય, એ ગેરકાયદે ગણાશે. એટલું જ નહીં, જે ટ્રિપલ તલાક આપશે તેમને 3 વર્ષની સજા અને દંડ પણ ફટકારવામાં આવશે. આ કેસમાં મેજિસ્ટ્રેટ નક્કી કરશે કે કેટલો દંડ ફટકારવામાં આવશે.