સુરત / લાલબત્તી સમાન કિસ્સો સામે આવ્યો, સુરતમાં મોબાઈલ ગેમ રમવા બાબતે ઠપકો આપતા પુત્રએ કરી નાખી પિતાની હત્યા 

• સુરતમાં પુત્રએ કરી પિતાની હત્યા
• માતા-પિતા માટે લાલબત્તી સમાન કિસ્સો
• મોબાઇલ ગેમ બાબતે ઠપકો આપતા કરી હત્યા

સ્માર્ટ ફોનનું યુવાનો પર એટલી હદે વળગણ થયું છે કે આજની પેઢી મોબાઈલ વગર જીવી શકે નહી તેવી માનસિકતા જોવા મળી રહી છે ત્યારે મોબાઈલના વધુ પડતા ઉપયોગને કારણે બાળકોની માનસિકતામાં મોટો બદલાવ આવી રહ્યો છે એવામાં  માતા પિતા માટે લાલાબત્તી સમાન કિસ્સો સામે આવ્યો છે. 

સુરતમાં પુત્રએ કરી પિતાની હત્યા

સુરતમાં મોબાઈલમાં ગેમ રમવાની બાબતે ઠપકો આપતા પુત્રએ પિતાની નિર્મમ હત્યા નિપજાવી દેતા ચકચાર મચી ગયો છે. સુરતના ઈચ્છાપોર ક્વાસ વિસ્તારમાં પિતાએ પુત્રને ગેમ રમવા બાબતે ઠપકો આપતા આવેશમાં આવેલા પુત્રએ પિતાની હત્યા ગળું દબાવીને હત્યા નિપજાવી દીધી હતી એટલું જ નહીં સમગ્ર હત્યાને આકસ્મિત મોતમાં પણ ખપાવવાનો પ્રયાસ કર્યો હતો, પરતું જ્યારે સમગ્રને લઈ મૃત પિતાની બોડીનું પોસ્ટ મોર્ટમ કરાતા સમગ્ર મામલો સામે આવ્યો હતો. 

માતા-પિતા માટે લાલબત્તી સમાન કિસ્સો

પુત્રએ આવેશમાં આવી 40 વર્ષીય પિતા અર્જુન સરકારની ગળું દબાવીને નિર્મમ હત્યા નિપજાવી દીધી હતી જે બાદ સમગ્ર હત્યાને આકસ્મિત મોતમાં ખપાવવાનો પણ પ્રયાસ કર્યો હતો પરતું ફોરેન્સિક પોસ્ટ મોર્ટમ પુત્રની કરતૂત સામે આવી જતા  માતાએ પુત્ર વિરૂદ્ધ પોલીસ ફરિયાદ નોંધાવી હતી જે બાદ પોલીસે આરોપી પુત્રની ધરપકડ કરી આગળની કાર્યવાહી હાથ ધરી છે. 

મોબાઈલનું વળગણ બન્યું જીવલેણ  

મહત્વનું છે કે ગઈ કાલે સુરતમાં વેડવરોડ વિસ્તારમાં એક વિદ્યાર્થિનીએ ગળેફાંસો ખાયની મોતને વ્યાલું કર્યું હતું જેમાં એક દીકરીના આપઘાત પાછળ મોબાઈલ કારણભૂત બન્યો હતો, પિતાએ લઈ લીધેલો મોબાઈલ પરત નહીં મળતા માઠું લાગી આવતા પુત્રીએ આકરું પગલું ભર્યું હતું અને મોતને વાહલું કરી જીવનનો અંત આણ્યો હતો. ત્યારે આજે વધુ એક ઘટના સામે આવી છે જેમાં મોબાઈલમાં ગેમ રમવાના કારણે પુત્રને ઠપકો આપતા પુત્રએ પિતાની નિર્મમ હત્યા નિપજાવી દીધી છે.