દિલ્હીમાં એકતરફી પ્રેમમાં પાગલ યુવકે તમામ હદો વટાવી દીધી. જેમા તેણે યુવતીને ઘરે બોલાવી તેના હાથ પગ બાંધી દીધા અને બાદમાં તેણે યુવતી પર એસિડ એટેક કર્યો હતો.
એકતરફી પ્રેમમાં યુવકે તમામ હદો વટાવી
યુવતીને ઘરે બોલાવીને તેના હાથ પગ બાંધ્યા
હાથ પગ બાંધ્યા બાદ યુવતી પર કર્યો એસિડ એટેક
એસિડ એટેક કરીને આરોપી ભાગ્યો બિહાર
બિહારથી પોલીસે કરી આરોપીની ધરપકડ
દિલ્હીમાં વધતી ગુનાખોરી કોઈ મોચી વાત નથી રહી. અહીયા હત્યા અને દુષ્કર્મ જેવા બનાવો તો જાણે કે સામાન્ય બની ગયા છે. જોકે દેશની રાજધાનીમાં વધતી જતી ગુનાખોરી હવે એક ચીંતોના વિષય બની ગઈ છે. ત્યારે વધુમાં ફરી એક ભયંકર કેસ સામે આવ્યો છે. જે સાંભલીને તમારા પણ રૂંવાડા ઉભા થઈ જશે.
દોરી વડે યુવતીને બાંધીને કર્યો એસિડ એટેક
એકતરફી પ્રેમમાં પાગલ યુવકે અહીયા યુવતી પર એસિડ એટેક કર્યો છે. જેમા પહેલા તો તેણે વાતચીત કરવાના બહાને યુવતીને તેના ઘરે બોલાવી હતી. બાદમાં તેણે યુવતીને દોરી વડે બાંધી દીધી અને ત્યારાબાદ તેની પર એસિડ એટેક કર્યો હતો. આ ગુનાને અંજામ આપીને આરોપી બાદમાં બિહાર ફરાર થઈ ગયો હોવાનું સામે આવ્યું છે.
યુવતી હોસ્પિટલમાં સારવાર હેઠળ
સમગ્ર મામલે પોલીસે કાયદેસરની કાર્યવાહી આરંભી છે. જ્યારે યુવતીની હાલત નાજુક હોવાથી તેને હોસ્પિટલમાં સારવાર અર્થે ખસેડવામાં આવી છે. જોકે ઘટનાની ગંભીરતાને ધ્યાનમાં રાખીને પોલીસે આરોપીને ઝડપી પાડ્યો છે. જેમા બિહારથી પોલીસે તેની ધરપક઼ડ કરી હતી.
પોલીસ પર આરોપીએ કર્યું ફાયરિંગ
જોકે પોલીસ જ્યારે આરોપીની ધરપકડ કરવા ગઈ હતી ત્યારે તેણે પોલીસ પણ ફાયરિંગ પણ કર્યું જોકે સદનસીબે કોઈ પોલીસ કર્મીને ગોળી ન વાગી. પોલીસ તપાસમાં સામે આવ્યું છે કે યુવતીએ લગ્ન કર્યા તે પહેલાથી આરોપી તેને જાણતો હતો. યુવતીના એકતરફી પ્રેમમાં પાગલ પ્રેમીએ તેની બાજુમાંજ ભાડેથી રૂમ રાખ્યો હતો અને ત્યાજ રહેતો હતો.
યુવતીના પતિની કરવાનો હતો હત્યા
ઉલ્લેખનીય છે કે પોલીસ તપાસમાં એવું પણ સામે આવ્યું છે કે આરોપી યુવકે યુવતીના પતિની હત્યા કરવા માટે બંદૂક પણ ખરીદી હતી. તેજ બંદૂક વડે તેણે પોલીસ પર પણ ફાયરિંગ કર્યું હતું. હાલ આ સમગ્ર મામલે હોસ્પિટલમાં યુવતીની સારવાર ચાલી રહી છે. સાથેજ આરોપીની પણ પોલીસ પૂછપરછ કરી રહી છે.