NSDLએ ત્રણ વિદેશી ફંડ્સના એકાઉન્ટ પર રોક લગાવી દીધી છે. આવી અફવાના કારણે ગૌતમ અદાણી ગ્રુપના શેરમાં આવ્યો જબરદસ્ત કડાકો
NSDLએ ત્રણ વિદેશી ફંડ્સના એકાઉન્ટ પર રોક લગાવી દીધીની હતી ખબર
ગૌતમ અદાણી ગ્રુપના શેરમાં આવ્યો જબરદસ્ત કડાકો
હજારો કરોડોનું થયું નુકસાન
દેશના બીજા સૌથી અમીર શખ્સ ગૌતમ અદાણીની નેટવર્થમાં પાછલા બે દિવસમાં 5.5 અરબ અમેરિકી ડોલરનો ભારે ઘટાડો થયો છે. અડાણી ગ્રુપ વિશે આવેલી ફક્ત એક ખબરના કારણે અદાણી ગ્રુપની માર્કેટ કેપિટલમાં ભારે ઘટાડો જાવા મળ્યો છે. ખુદ ગૌતમ અદાણીને પણ તેનું મોટુ નુકસાન થયું છે.
શું હતી અફવાહ?
સોમવારે એવી ખબર આવી હતી કે નેશનલ સિક્યોરિટીઝ ડિપોઝિટરી લિમિટેડે (NSDL)એ ત્રણ વિદેશી ફંડ્સના એકાઉન્ટ પર રોક લગાવી દીધી છે. આ ફંડ્સે અદાણી ગ્રુપની કંપનીઓમાં 43,500 કરોડ રૂપિયાનું રોકાણ કર્યું છે. તેના કારણે અદાણી ગ્રુપની કંપનીઓના શેરમાં સોમવારે કડાકો બોલી ગયો. મોટાભાગના શેરોમાં લોઅર સર્કિટ લગાવવું પડ્યું. મંગળવારે પણ અદાણી ગ્રુપના ઘણા શેરોમાં લોઅર સર્કિટ લગાવવું પડ્યું.
શેરમાં ભારે ઉથલ પાથલ
એક રિપોર્ટ અનુસાર NSDLએ Albula ઈનવેસ્ટમેન્ટ ફંડ, Cresta ફંડ અને APMS ઈનવેસ્ટમેન્ટ ફંડના એકાઉન્ટ ફ્રીઝ કરી દીધા છે. ડિપોઝિટરીની વેબસાઈટ અનુસાર આ એકાઉન્ટ 31 મેએ અથવા તેના પગેલા જ ફ્રીઝ કરવામાં આવ્યા છે.
ખબર સંપૂર્ણ રીતે પાયાવિહોણી
આ ખબરના આવતાની સાથે જ સોમવારે શેર બજારમાં શરૂઆતી વ્યાપારમાં જ ગૌતમ અદાણીના નેટવર્થમાં અચાનક 10 અરબ ડોલરનો ઘટાડો થયો છે. જોકે બાદમાં તેમાં થોડો સુધારો થયો. જોકે સોમવારે બપોર બાદ અદાણી ગ્રુપે તેના પર પોતાનું નિવેદન જાહેર કરતા કહ્યું કે આ ખબર સંપૂર્ણ રીતે પાયાવિહોણી છે. એનએસડીએલે પણ તેના માટે ઈનકાર કર્યો હતો. તેનાથી અદાણી ગ્રુપના શેરમાં થોડો સુધાર જોવા મળ્યો. પરંતુ તે સંપૂર્ણ રીતે રીકવર ન થઈ શક્યા. મંગળવારે ફરી ઘણા શેરમાં લોઅર સર્કિટ લગાવામાં આવ્યા.