વલસાડનાં ડુંગરીમાં અસ્થિર મગજની યુવતિ સાથે અવાર નવાર દુષ્કર્મ આચરતા પીડિતાએ પોલીસ મથકે ફરિયાદ નોંધાવી હતી. ત્યારે પોલીસે આરોપીની અટકાયત કરી આગળની કાર્યવાહિ હાથ ધરી છે.
અસ્થિર મગજની યુવતી પર દુષ્કર્મ
8 માસનો ગર્ભ રહી જતાં મામલો સામે આવ્યો
અનિલ નામના આરોપીની અટકાયત
વલસાડનાં ડુંગરીમાં અસ્થિર મગજની યુવતી સાથે દુષ્કર્મ મામલે પોલીસે આરોપીની અટકાયત કરી છે. ત્યારે દુષ્કર્મને પગલે પીડિતાને 8 માસનો ગર્ભ રહી જતા મામલો પ્રકાશમાં આવ્યો હતો. પોલીસે અનિલ નામના આરોપીની અટકાયત કરી હતી. પીડિતા આરોપી અનિલનાં ઘરે કામ કરવા જતી હતી. તે સમયે આરોપીએ પીડિતાને ડરાવી ધમકાવી દુષ્કર્મ આચર્યું હતું.
મહિલાની તબીયત લથડતા સમગ્ર મામલો પ્રકાશમાં આવ્યો
વલસાડનાં ડુંગરીમાં પરણીત યુવક તેનાં પરિવાર સાથે રહેતો હતો. ત્યારે આરોપી અનિલની પત્નિ તેમજ બાળકો કામ અર્થે ઘરની બહાર નીકળે તે સમય દરમ્યાન અનિલ પીડિતા મહિલાને ઘરમાં સાફ સફાઈ માટે બોલાવી તેના સાથે દુષ્કર્મ આચરતો હતો. ત્યારે એક દિવસ મહિલાની તબીયત લથડતા ગામની આશાવર્કર બહેન તેને સારવાર અર્થે સિવિલ હોસ્પિટલ ખાતે લઈ જતા સમગ્ર મામલો પ્રકાશમાં આવ્યો હતો. સિવિલ હોસ્પિટલમાં ચેકઅપ વખતે પીડિત મહિલાને 8 માસનો ગર્ભ હોવાની જાણ થતા આશા વર્કર બહેન ચોંકી ઉઠ્યા હતા.
ડુંગરી પોલીસ મથકે પીડિતાએ ફરિયાદ નોંધાવી
આ બાબતે પીડિતાનાં પરિવારજનોને જાણ થતા પરિવારનાં સભ્યોએ પીડિતાની પૂછપરછ હાથ ધરતા પીડિતાએ સઘળી હકીકત જણાવી હતી. જે બાદ પીડિતા મહિલાએ ડુંગરી પોલીસ મથકે અનિલ વિરૂદ્ધ દુષ્કર્મની ફરિયાદ નોંધાવી હતી.