અજબ કહાની / અમદાવાદમાં પતિની હાજરીમાં પત્નીએ પ્રેમીને ફોન કરી ઘરે બોલાવ્યો અને પ્રેમી આવ્યો પછી...

• અમદાવાદમાં પત્નીના પાડોશી સાથેનો સંબંધ મારામારી સુધી પહોંચ્યો
• પત્નીએ પોતાના પ્રેમીને પતિની સામે જ ઘરે બોલાવ્યો
• પત્નીના પ્રેમીએ યુવકના પિતા પર કર્યો હુમલો

બેડરૂમમાં પત્નીએ પાડોશમાં રહેતા પરિણીત યુવક સાથે પ્રેમસંબંધ હોવાનો ખુલાસો પતિને કરતાં મામલો પોલીસ સ્ટેશન સુધી પહોંચ્યો છે. પ્રેમસંબંધ અંગેની સ્પષ્ટતા કરવા માટે પત્નીએ પ્રેમીને ફોન કરી ઘરે બોલાવ્યો હતો. જ્યાં પ્રેમી હાથમાં છરી લઇને આવ્યો અને મામલો બીચક્યો હતો. તારી પત્નીનું મારી સાથે અફેર છે. તારાથી થાય તે કરી લે તેમ કહી પ્રેમીએ યુવકના પિતા પર હુમલો કર્યો છે.

ચાંદખેડા વિસ્તારમાં આવેલી એક સોસાયટીમાં રહેતા 30 વર્ષીય મીનેશે (નામ બદલવામાં આવ્યા છે) ચાંદખેડા પોલીસ સ્ટેશનમાં પ્રતીક નામના યુવક વિરુદ્ધ મારામારીની ફરિયાદ કરી છે. બે દિવસ પહેલાં મીનેશને તેની પત્ની ‌રિયાએ કહ્યું કે, મારે તારી સાથે રહેવું નથી. મારું અફેર આપણા ઘર સામે રહેતા પ્રવીણના ભા‌ણિયા પ્રતીક સાથે છેલ્લા ત્રણ મહિનાથી ચાલે છે. ‌રિયાએ તેના ફોનથી પ્રતીકની પત્નીને ફોન કર્યો હતો અને પ્રતીક સાથે વાત કરી તથા બંને વચ્ચેના અફેરની ખાતરી કરવા માટે ઘરે બોલાવ્યો હતો. 

મીનેશ અને તેના પિતા ઘર બહાર ઊભા હતા. ત્યારે પ્રતીક હાથમાં છરી લઇને આવ્યો હતો. મીનેશ કંઇ બોલે તે પહેલાં પ્રતીક હાથમાં છરી લઇ મીનેશને મારવા માટે આવ્યો હતો. જોકે તેના પિતા વચ્ચે પડતાં છરીના ઘા તેમને વાગી ગયા હતા. પ્રતીકે મીનેશ અને તેના પિતાને માર માર્યો હતો. દરમિયાનમાં બૂમાબૂમ થઇ જતાં સોસાયટીના રહીશો ભેગા થઇ ગયા હતા. 

પ્રતીક મીનેશને તારી પત્ની સાથે અફેર થયું છે. તારાથી થાય તે કરી લેજે તેવી ધમકી આપીને નાસી ગયો હતો. મીનેશના પિતાને સારવાર માટે હોસ્પિટલમાં લઇ ગયા હતા જ્યારે ચાંદખેડા પોલીસે આ મામલે પ્રતીક વિરુદ્ધ મારામારીનો ગુનો નોંધી તપાસ શરૂ કરી છે. હાલ પોલીસે પ્રતીકને પકડવા માટે ચક્રો ગતિમાન કર્યાં છે.