સિંધુભવન રોડ અને બોપલ-આંબલી હાલ અમદાવાદના સૌથી મોંઘા વિસ્તાર છે. એક સમયે જ્યાં જવા પણ લોકો તૈયાર નહતા તેના ભાવ આજે આસમાનને આંબી રહ્યા છે. અહીં ખાસ બિલ્ડરો રસ લઈ રહ્યા છે અને મનપા પણ તેમને સપોર્ટ આપી રહ્યું છે. હાલમાં જ એક બિલ્ડર ગૃપ દ્વારા આવા જ એક મહત્વકાંક્ષી પ્રોજેક્ટ માટે 15000 સ્કેવર ફૂટનો એક પ્લોટ રૂા. 400 કરોડથી વધુના ભાવથી ખરીદીને આ પોશ રોડને વધુ કિંમતી બનાવી રહી છે.
ખરીદનાર ભવિષ્યમાં રોવે તેવી શક્યતા
સૌથી મોંઘા રોડનુ ઈમ્પોર્ટન્સ વધુ વધારાઈ રહ્યું છે
11 નવા પ્રોજેક્ટને હાઈરાઈઝ બિલ્ડિંગ પ્રોજેક્ટને મંજૂરી
અમદાવાદ મ્યુનિસિપલ કોર્પોરેશનની હદ વિસ્તરી રહી છે. ત્યારે SP રિંગ રોડ અને SG હાઈવે વચ્ચેની જમીનના ભાવ આસમાને છે અને અહીં પ્રોજેક્ટના ભાવ પણ આસમાને છે. એમાંય સિંધુભવન રોડ અને બોપલ- આંબલીને ધરાર વિકસાવાઈ રહ્યું છે. કરોડોના પ્રોજેક્ટ અહિં પાસ થઈ ગયા છે. ભૂમાફિયાઓએ ખેડૂતો પાસેથી પાણીના ભાવે જમીનો ખરીદી લીધી છે અને હવે બિલ્ડર્સ કરોડોના ભાવે જમીન ખરીદીને તેની ઉપર અબજોના પ્રોજેક્ટ બનાવી રહ્યા છે.
11 નવા હાઈરાઈઝ પ્રોજેક્ટને મંજૂરી
હાલમાં જ 11 કોમર્શિયલ હાઈરાઈઝ પ્રોજેક્ટને G+2 ના બેઝ ઉપર સિંધુભવન રોડ અને આંબલી-બોપલ રોડ ઉપર પરમિશન મળી છે. જે મોંઘામાં મોંઘા રોડ છે.
R-2 ઝોન
SG હાઈવે નજીક બે નામાંકિત બિલ્ડર ગૃપ દ્વારા સાથે મળીને G+2 થ્રી લેવલ (ગ્રાઉન્ડ પ્લસ બે પ્લેસ)નું એક જોઈન્ટ વેન્ચર ઉભું કરી રહ્યા છે. આ વેન્ચર R-2 ઝોનમાં કરવામાં આવી રહ્યું છે જ્યાં ફક્ત 1.8 FSI (FLoor space index) ની જ પરમીશન છે.