એકલી જાણીને / અમદાવાદમાં ઉપરના માળે સૂતી મહિલા પર યુવકે નજર બગાડી, કરી એવી હરકત કે આખી સોસાયટી થઈ ભેગી

• અંધારપછેડી ઓઢી યુવક પહોચ્યો મહિલા પાસે
• પરિણીતાનાં અરધી રાત્રે કર્યા અડપલાં
• પરિણીતાએ કરી બૂમાબૂમ -પોલીસ ફરિયાદ 

અમદાવાદમાં દિવસે ને દિવસે મહિલાઓની છેડતીના કિસ્સા વધી રહ્યા છે ત્યારે ઠક્કરનગર વિસ્તારમાં રહેતી 28 વર્ષીય પરિણીતાની તેની જ સામે રહેતા યુવકે છેડતી કરી અડપલાં કરતાં મામલો પોલીસ સ્ટેશન પહોંચ્યો છે. મહિલા રાતે સૂતી હતી ત્યારે યુવકે તેની પથારી પાસે આવીને અડપલાં કરતાં તે ડરી ગઈ હતી.

ઠક્કર નગરની ઘટના 

ઠક્કરનગર વિસ્તારમાં રહેતી28 વર્ષીય પ‌િરણીતાએ પાડોશી સંજય જોજાવત વિરુદ્ધ છેડતીની ફરિયાદ નોંધાવી છે. મહિલાને તેના પતિ સાથે એક વર્ષ પહેલાં ઝઘડો થતાં તેની વિરુદ્ધ ફરિયાદ નોંધાવી હતી. હાલ મહિલા તેના પિયરમાં તેનાં માતા પિતા સાથે રહે છે. મહિલા હાલમાં એક સંતાન અને ચાર બહેન સાથે રહે છે. 

પાડોશી યુવકના કરતૂત 

ગઈ કાલે રાતે મહિલા તેના મકાનના ઉપરના મળે ખુલ્લી ઓશરીમાં સૂતી હતી. તે દરમિયાન કોઈ મહિલાની છાતી પર અડપલાં કરતું હતું. જેથી મહિલાએ તેનો એકદમ હાથ પકડી પાડ્યો હતો. મહિલાએ જાગીને જોયું તો તેની સામે રહેતો સંજય જોજાવત તેની પથારી પાસે બેઠો હતો. જેથી મહિલાએ એકદમ ગભરાઈ જઈ બૂમાબૂમ કરતાં તેનાં માતા-પિતા અને તેની બહેનો જાગી ગયાં હતાં. 

પોલીસ ફરિયાદ નોંધાઈ 

આ સમયે તેની આસપાસ રહેતા ચાલીના માણસો ભેગા થઇ જતાં છેડતી કરનાર યુવક ત્યાંથી ભાગી ગયો હતો. ત્યારબાદ મહિલાએ પોલીસને જાણ કરીને છેડતી કરનાર યુવક વિરુદ્ધ ફરિયાદ નોંધાવી હતી. પોલીસે હાલ ગુનો નોંધી યુવકની શોધખોળ શરૂ કરી છે.