નોમિનીનું નામ બદલવા માટે ઈપીએફોમાં ઓનલાઈન ડિટેલ જમા કરી શકાય છે. જાણો કઈ રીતે
EPFOમાં નોમિનીનું નામ આ રીતે કરો એડ
જાણો સ્ટેપ ટુ સ્ટેપ પ્રોસેસ
ઘરે બેઠા જ થઈ જશે કામ
EPFOમાં દરેક ખાતાધારકોને નોમિનીનું નામ દાખલ કરાવવું જરૂરી છે. તેના માટે EPFOએ ઈ-નોમિનેશન પ્રોસેસ શરૂ કર્યું છે. જે કામ સંપૂર્ણ રીતે ડિજિટલ છે. તેના માટે પીએફ ઓફિસમાં જવાની જરૂર નથી અને ઘરે બેઠા પોતાના ખાતામાં નોમિનીનું નામ જોડી શકાય છે. ઈપીએફઓએ કહ્યું છે કે સામાજિક સુરક્ષાનો લાભ લેવા, પીએફ, ઈપીએસ અને ઈડીએલઆઈ ઈન્શ્યોરન્સનો ફાયદો લેવા માટે ઓનલાઈન ઈ-નોમિનેશન કરાવવું જરૂરી છે. જો પહેલાથી નોમિનીનું નામ નથી અથવા તો તેમાં કોઈ ફેરફાર કરવા માંગો છો તો આ કામ ઓનલાઈન પણ થઈ શકે છે.
EPFO મેમ્બરને નામ બદલવા માટે ઈ-નોમિનેશન દ્વારા જ પીએફ એકાઉન્ટમાં નવા નોમિનીનું રજીસ્ટ્કેશન કરાવવાનું રહેશે. તેના માટે મેમ્બરને ઈપીએફઓની વેબસાઈટ epfindia.gov.in પર વિઝિટ કરવાનું રહેશે. આ વેબસાઈટ પર ઈ-નોમિનેશનની દરેક જાણકારી મળશે. ફોર્મમાં દરેક જાણકારી દાખલ કરી નવા નોમિનીનું નામ જોડી શકાય છે.
નામ બદલવા માટે સ્ટેપ-ટુ-સ્ટેપ પ્રોસેસ
EPFOની ઓફિશયલ વેબસાઈટ epfindia.gov.in પર જાઓ.
સેવા પર જાઓ અને ડ્રોપ ડાઉનમાં 'કર્મચારીઓ માટે' બટન પર ક્લિક કરો.
હવે 'મેનેજ' ટેબ હેઠળ પોતાનો યુએએન અને પાસવર્ડની સાથે લોગિન કરો.
'પ્રબંધન' ટેબ હેઠળ 'ઈ-રજીસ્ટ્રેશન' પર ક્લિક કરો.
પોતાના પરિવારની માહિત અપડેટ કરવા માટે અહીં 'હા' પર ક્લિક કરો.
હવે 'પારિવારિક ડિટેલ અટેચ કરો'ના ઓપ્શનને પસંદ કરો. તમે વધુ એક નોમિનીનું નામ પણ એડ કરી શકો છો.
નોમિનીને કેટલો શેર આપવાનો છે તેની કુલ રકમ જાહેર કરવા માટે 'નામાંકન વિવરણ' પર ક્લિક કરો.
ઘોષણા બાદ. 'સેવ ઈપીએફ નોમિનેશન' પર ક્લિક કરો.
ઓટીપી જનરેટ કરવા માટે 'ઈ-સાઈન' પસંદ કરો
આધાર કાર્ડ સાથે તમને મોબાઈલ નંબર પર એક ઓટીપી મોકલવામાં આવશે અને ઓટીપી સબમિટ કરો.
તમારૂ ઈ-નોમિનેશન હવે ઈપીએફઓની સાથે રજીસ્ટર છે.
સફળ ઈ-નોમિનેશન બાદ કોઈ અન્ય ફિઝિકલ પેપરની જરૂર નહીં પડે.