માહિતી / જો તમારી પાસે છે આ વર્ષથી પહેલાનું બાઇક અને કાર, તો જલ્દીથી થઇ શકે છે 'ભંગાર'

• 2005 પહેલાના રજિસ્ટર્ડ વાહનો માટે ફરીથી રજિસ્ટ્રેશન અને ફિટનેસ કરાવવું મોંઘુ પડી શકે છે
• પ્રસ્તાવિત નીતિમાં પ્રાઇવેટ વાહનો માટે રજિસ્ટ્રેશન ફી વધારવાની સાથે ટ્રાન્સપોર્ટ વાહનો માટે ફિટનેસ સર્ટિફિકેશન ચાર્જમાં વધારો કરવામાં આવ્યો

કેબિનેટ નોટને મંજૂરી
સરકારના આ સ્ટેપથી આ વાહનોને ફરીથી નોંધણી કરાવવી મોંઘી સાબિત થઇ શકે છે. નવા ઉત્સર્જન માનકો પ્રમાણે નવા વાહનોની સરખામણીએ આ વાહન 10 થી 25 ટકા સુઘી વધારે પ્રદૂષણ ફેલાવે છે. ગત સપ્તાહે રસ્તા, પરિવહન અને રાજમાર્ગ મંત્રી નીતિન ગડકરીએ જણાવ્યું હતું કે એમને પ્રસ્તાવિત નીતિ પર બનાવવામાં આવેલા કેબિનેટ નોટને મંજૂરી આપી દીધી છે. 

સૂત્રોનું કહેવું છે કે છેલ્લા કેટલાક વર્ષોમાં ભારતના વાહન બજારમાં ખૂબ પ્રગતિ થઇ છે. જો જૂના પ્રદૂષણ ઉત્સર્જન માનકો સાથે સરખામણી કરીએ તો વર્ષ 2005થી જૂના વાહન નવા માનકોથી 10 થી 25 ટકા વધારે પ્રદૂષણ ફેલાવે છે. એટલે સુધી કે જો આ વાહનોની દેખભાળ સાવધાનીથી પણ કરવામાં આવે, તો પણ એ ઉત્સર્જન માનકોથી વધારે પ્રદૂષણ કરશે. સાથે જ રસ્તા સુરક્ષા માટે હાનિકારક છે. 

દર વર્ષે ફિટનેસ સર્ટિફિકેશન જરૂરી
મંત્રાલયના સૂત્રોનું કહેવું છે કે પ્રસ્તાવિત નીતિમાં પ્રાઇવેટ વાહનો માટે રજિસ્ટ્રેશન ફી વધારવાની સાથે ટ્રાન્સપોર્ટ વાહનો માટે ફિટનેસ સર્ટિફિકેશન ચાર્જમાં વધારો કરવામાં આવ્યો છે. આવા વાહનોને રસ્તાથી હટાવવા માટે પ્રસ્તાવિત નીતિમાં બીજી ઘણી જોગવાઇ થઇ શકે છે. એમાં ટ્રાન્સપોર્ટ વાહનોને દર વર્ષે ફિટનેસ સર્ટિફિકેશન જરૂરી બનાવી શકાય છે. 

વાહનોનો ડેટાબેસ પણ બનશે
સાથે જ આ નીતિમાં ગાડીમાં લાગેલી એરબેગ્સને વૈજ્ઞાનિકો તરીકાથી ડિસ્પોઝલની સાથે સાઇલેન્સરમાં મળનારી ધાતુઓ અને રબરના ઇકો-ફ્રેન્ડલી રીતેથી નિપટાવ કરવામાં આવશે. તો બીજી બાજુ ગાડીથી નિકળતું એન્જીન ઓયલને જમીન પર ફેંકવામાં આવશે નહીં પરંતુ વૈજ્ઞાનિક રીતે નિપટવામાં આવશે. સ્ટીલ મંત્રાલય એવા સ્ક્રેપિંગ સેન્ટર્સ પર કામ કરી રહ્યા છે અને રસ્તા મંત્રાલય એને માન્યતા આપશે. સાથે જ કોઇ પણ પ્રકારની દગાખોરીથી બચવા માટે આવા વાહનોના ડેટાબેસ પણ બનાવવામાં આવશે.