ના હોય / પોતાનું ઘર લેવાનું વિચારતા હોવ તો જલ્દી કરો: 16 વર્ષ બાદ હોમ લોનમાં મળી રહ્યો છે આ ફાયદો

• હોમ લોનના વ્યાજદરમાં ઘટાડાને કારણે બજારમાં નવા ખરીદદારો વધ્યાં   
• મોટા ભાગની બેંકો હાલ સસ્તા દરે લોન આપી રહી છે
• વ્યાજ દરોમાં ઘટાડા થી અર્થતંત્રમાં મજબૂત સુધારો થવાની આશા

હોમ લોનના વ્યાજદરમાં ઘટાડાને કારણે બજારમાં નવા ખરીદદારો વધ્યાં  

હોમ લોન પરના વ્યાજદરમાં ભારે છૂટ સાથે રિયલ એસ્ટેટ ક્ષેત્રને તહેવારોની સિઝનમાં નવી આશા જોવા મળી રહી છે. રિયલ એસ્ટેટ ક્ષેત્રે માને છે કે, આ તહેવારોની મોસમ ઘરના વેચાણ માટે ટર્નિંગ પોઈન્ટ સાબિત થઈ શકે છે.અત્યારે હોમ લોન પર વ્યાજ દર સાત ટકાથી નીચે આવી ગયો છે. ઘણી બેન્કો 6.5 ટકાના દરે લોન આપી રહી છે. આવા હોમ લોનના વ્યાજદર વર્ષ 2002-04 દરમિયાન જોવા મળ્યા હતાં. વ્યાજદરમાં ઘટાડાને કારણે, ઈએમઆઈમાં નોંધપાત્ર ઘટાડો થયો છે. અને બજારમાં નવા ખરીદદારો વધ્યા છે 

મોટા ભાગની બેંકો સસ્તા દરે લોન આપી રહી છે 

નેશનલ રિયલ એસ્ટેટ ડેવલપમેન્ટ કાઉન્સિલના પ્રેસિડન્ટ રાજન બાંદેલકરે જણાવ્યું હતું કે હાલમાં મોટાભાગની બેન્કો 6.5 થી 6.8 ટકાના દરે હોમ લોન આપી રહી છે. હાલમાં, 20 વર્ષની હોમ લોન પર પ્રતિ લાખ EMI 757 રૂપિયાથી શરૂ થાય છે અને 20 લાખની લોન માટે 15,140 રૂપિયા છે. આ રકમ માત્ર દિલ્હી અને NCRમાં બે રૂમના સરેરાશ માસિક ભાડાની આસપાસ છે.

વ્યાજ દરોમાં ઘટાડા થી અર્થતંત્રમાં મજબૂત સુધારો થવાની આશા

બાંદેલકરે કહ્યું કે આ આકર્ષક દરોને કારણે રિયલ એસ્ટેટ માર્કેટમાં ઘરો વિશે પૂછપરછ ખૂબ જ ઝડપી બની છે અને ઘણા લોકો મકાનો પણ ખરીદી રહ્યા છે. તેમણે કહ્યું કે તહેવારોની સિઝનમાં રિયલ એસ્ટેટ ક્ષેત્રમાં વધુ સારું વેચાણ થવાની અપેક્ષા છે. હાઉસિંગ ડોટ કોમ અને મકાણ ડોટ કોમના ગ્રુપ સીઇઓ ધ્રુવ અગ્રવાલના જણાવ્યા મુજબ, હોમ લોનના વ્યાજ દરોમાં ઐતિહાસિક ઘટાડો અને અર્થતંત્રમાં મજબૂત સુધારાને જોતા આ તહેવારોની સીઝન રિયલ એસ્ટેટ ક્ષેત્ર માટે 'ટર્નિંગ પોઇન્ટ' સાબિત થઇ શકે છે. .

સંક્રમણમાં ઘટાડાના બાદ માર્કેટમાં ખરીદદારો અને રોકાણકારોનું હિત વધ્યું 

તહેવારોની સિઝનમાં વેચાણની ગતિ આગામી ક્વાર્ટરમાં પણ ચાલુ રહે તેવી શક્યતા છે. છેલ્લા કેટલાક વર્ષોથી ઘરોના ભાવ સ્થિર રહ્યા છે અને આ તહેવારોની સીઝનમાં માંગને વધારવામાં પણ મદદ કરશે. કોરોનામાં ઘટાડા સાથે, રસીકરણમાં ઝડપી વધારો રિયલ એસ્ટેટ ક્ષેત્રને વેચાણમાં તીવ્ર વધારો આપે તેવી અપેક્ષા છે.ગૌર ગ્રુપના સીએમડી મનોજ ગૌરે જણાવ્યું હતું કે કોરોના સંક્રમણમાં ઘટાડો થયો ત્યારથી, રિયલ એસ્ટેટ માર્કેટમાં ખરીદદારો અને રોકાણકારો બંનેનું હિત વધ્યું છે, વ્યાજદરને આ નીચા સ્તરે રાખવાથી તહેવારોની સિઝનમાં ચોક્કસપણે ફાયદો થશે.
 
 

વ્યાજદરમાં ઘટાડાથી ઘર,કાર સહિતની વસ્તુઓનું વેચાણ વધશે. 

નિષ્ણાતોના મતે, વ્યાજદરમાં આવા ઘટાડાથી ઘરની સાથે કાર અને અન્ય વસ્તુઓના વેચાણમાં વધારો થશે. તહેવારોની સિઝનમાં, કાર સાથે ગ્રાહક ટકાઉ ઉત્પાદનોનું ઘણું વેચાણ થાય છે અને આ તમામ વસ્તુઓની ખરીદી માટે બેન્કો અને અન્ય નાણાકીય કંપનીઓ પહેલા કરતા ઓછા વ્યાજ દરે લોન આપી રહી છે.