કરિના કપૂર ખાન એક રેડિયો શો કરી રહી છે. આ રેડિયો પર વારંવાર કોઇને કોઇ સ્ટારની સાથે વાતચીત કરતી રહે છે. આ વખતે બોલિવુડ એક્ટ્રેસ તાપસી પન્નુ હતી. આ શો દરમિયાન કરિનાએ તાપસીને સવાલ કર્યો કે શું તેનો દિકરો પોતાની ગર્લફ્રેન્ડ સાથે ઘરે પહોંચી ગયો તો શું કરશે, ત્યારે તાપસી જવાબ તો ના આપી શકી પરંતુ કરિનાએ જોરદાર જવાબ આપી દીધો
વાસ્તવમાં કરિના અને તાપસી રેડિયો શો દરમિયાન મહિલા સુરક્ષાને લઇને વાત કરી રહ્યા હતા. આ દરમિયાન વાતાવરણ થોડું હળવુ કરવા માટે મસ્તી શરૂ કરી દીધું. કરિનાએ તાપસીને એક સવાલ પૂછ્યો કે શું તેનો દિકરો પોતાની ગર્લફ્રેન્ડ સાથે ઘરે આવે તો શું કરશે?
જોકે તાપસીએ તો આ સવાલનો જવાબ ના આપ્યો પરંતુ કહ્યુ કે, હાલમાં તો તેને લગ્ન કરવાના છે, જે પછી બાળકો થશે. તો તાપસીએ કરિનાને પૂછી લીધું કે આવી સિચ્યુએશન આવે તો તું શું કરે તો કરિનાએ કહ્યુ કે, ‘’હું પંજાબી માં છું.’’
તાપસીએ જ્યારે પૂછ્યુ કે, ‘’શું તે પરાઠા અને તૈમુરની ગર્લફ્રેન્ડનું સ્વાગત કરશે, ત્યારે કરિનાએ કહ્યુ કે, હું તેને ક્યારે પણ ઘરે નહી બોલાવવા માટે કહું.’’
ઉલ્લેખનીય છે કે, કરિના કપૂર કરણ જોહરની ફિલ્મ તખ્તમાં જોવા મળશે. આ પહેલા અક્ષય કુમારની સાથે ફિલ્મ ગુડ ન્યૂઝમાં જોવા મળી હતી. જે બોક્સઑફિસ પર હિટ સાબિત થઇ હતી. બીજી બાજુ તાપસી ફિલ્મ થપ્પડમાં જોવા મળશે. આ ફિલ્મનો ફર્સ્ટ લૂક રિલીઝ કરી દેવામાં આવ્યો છે.