પાટણ / લગ્નપ્રસંગે યોજાયેલા ગરબામાં આડેધડ ફાયરિંગનો Video વાયરલ , યુવકે અલગ-અલગ બંદૂકથી હવામાં ભડાકા કર્યા

• પાટણમાં લગ્નપ્રસંગે યોજાયેલા ગરબામાં આડેધડ ફાયરિંગ
• રાધનપુરના મેમણા ગામનો કાર્યક્રમ હોવાનો દાવો
• ગાયિકા અપેક્ષા પંડયાએ કાર્યક્રમની લાઈવ લિંક ફેસબુક ઉપર મુકી હતી
• રાસ-ગરબામાં અલગ-અલગ બંદૂકમાંથી કરાયું ફાયરિંગ

પાટણમાં લગ્નપ્રસંગે યોજાયેલા ગરબામાં આડેધડ ફાયરિંગ

પાટણ જિલ્લાના રાધનપુરના મેમણા ગામે તાજેતરમાં એક લગ્નપ્રસંગ નિમિત્તે યોજાયેલા ગરબામાં આડેધડ ફાયરિંગ થતું હોવાનો એક વિડીયો સોશિયલ મીડિયામાં વાયરલ થતાં સ્થાનિક પોલીસ અને જિલ્લા પોલીસ તંત્રમાં ખળભળાટ મચ્યો હતો. જો કે, પોલીસે આ સમગ્ર બનાવ અંગે જાણકારી મેળવવાની સાથે તપાસના ચક્રો ગતિમાન કર્યા હોવાનું જાણવા મળે છે.

રાધનપુરના મેમણા ગામનો કાર્યક્રમ હોવાનો દાવો

પાટણ જિલ્લાના રાધનપુરના મેમણા ગામે લગ્નપ્રસંગમાં ફાયરિંગની જાહેરમાં બનેલી એક ઘટનાથી ભારે ચકચાર મચી છે. આ લગ્ન પ્રસંગનો એક વીડિયો સોશ્યલ મીડિયામાં વાયરલ થઇ રહ્યો છે. વીડિયોમાં જોવા મળે છે કે કેટલાક શખ્સો લગ્નપ્રસંગે યોજાયેલા ગરબામાં જાહેરમાં બંદૂકથી આડેધડ હવામાં ફાયરિંગ કરી રહ્યાં છે.

ગાયિકા અપેક્ષા પંડયાએ કાર્યક્રમની લાઈવ લિંક ફેસબુક ઉપર મુકી હતી

જેમાં રાસ-ગરબામાં અલગ-અલગ બંદૂકમાંથી ફાયરિંગ કરાયું હતું. આમ મેમણા ગામમાં લગ્ન પ્રસંગમાં ફાયરીંગનો વિડીયો વાયરલ થતાં ભારે ખળભળાટ મચી જવા પામ્યો હતો. આમ લગ્નપ્રસંગે કેટલાક યુવાનો દ્વારા આનંદના ઉન્માદમાં આવીને જાહેરમાં ફાયરિંગ કરવામાં આવ્યું હતું. ઉલ્લેખનીય છે કે, આ સમગ્ર ઘટનાનો વિડીયો લગ્નપ્રસંગમાં હાજર રહેલી ગાયિકા અપેક્ષા પંડ્યાએ કાર્યક્રમની લાઈવ લિંક ફેસબુક ઉપર મુકી હતી.આ વીડિયો સમગ્ર જિલ્લામાં ફરતો થતાં પોલીસ સુધી પહોંચ્યો હતો. જેને લઇને સ્થાનિક પોલીસ અને જિલ્લા પોલીસ તંત્ર સફાળું જાગ્યું હતું અને સમગ્ર બનાવ અંગે તપાસ હાથ ધરવામાં આવી હોવાનું પણ જાણવા મળે છે.