ફેરફાર / ઓગસ્ટ મહિનામાં આ બેંક કરી રહી છે નિયમોમાં 10 મોટા ફેરફાર, તમારું ખાતું હોય તો જાણવા છે જરૂરી નહીં તો મૂકાશો મુશ્કેલીમાં

• ICICI બેંક કરવા જઈ રહી છે 10 મોટા ફેરફાર
• ઓગસ્ટ મહિનામાં કોઈ પણ કામ કરતા પહેલા જાણો નિયમ
• જાણો તમારા ખિસ્સા પર આ ફેરફારની કેવી થશે અસર

પ્રાઈવેટ સેક્ટરના લેન્ડર ICICI બેંકે બચત ખાતા ધારકો માટે કેશ ટ્રાન્ઝેક્શનના રિવાઈઝ્ડ લિમિટ્સ, એટીએમ ઈન્ટરચેન્જ અને ચેકબુક ચાર્જ પર એક નોટિસ જાહેર કરી છે. બેંકે વેબસાઈટમાં તેની જાણકારી આપી દીધી છે. આ તમામ ફેરફાર 1 ઓગસ્ટ 2021થી લાગૂ થશે. જો તમે પણ ICICI બેંકમાં ખાતુ ધરાવો છો તો તમે એટીએમ અને બેંકથી રૂપિયા કાઢવાના નિયમો પણ જાણી લો તે જરૂરી છે.  

નવા મહિનાથી આવશે આ મોટા ફેરફાર
તમે કોઈ પણ કામ કરો તે પહેલા નવા નિયમોને જાણીને પછી ટ્રાન્ઝેક્શન કરો નહીં તો તમારે પેનલ્ટી ભરવી પડી શકે છે. ICICI બેંક એ નિયમોમાં ફેરફાર કરી દીધા છે જે જાણી લેવા જરૂરી છે.  

• ICICIની વેબસાઈટ અનુસાર એક મહિનામાં 6 મેટ્રો શહેર મુંબઈ, નવી દિલ્હી, ચેન્નઈ, કોલકત્તા, બેંગલુરુ અને હૈદરાબાદમાં પહેલા 3 ટ્રાન્ઝેક્શન ફ્રીમાં મળશે. અન્ય જગ્યાઓએ 5 ટ્રાન્ઝેક્શન ફ્રીમાં મળશે. આ પછી દરેક ટ્રાન્ઝેક્શન માટે 20 રૂપિયા ફાયનાન્શિયલ ટ્રાન્ઝેક્શન અને 8.50 રૂપિયા નોન ફાયનાન્શિયલ ટ્રાન્ઝેક્શન ચાર્જ લેવાશે. આ ચાર્જ સિલ્વર, ગોલ્ડ, મેગ્નમ, ટાઈટેનિયમ અને વેલ્થ કાર્ડધારકો માટે રહેશે.  
• ICICI બેંકે દર મહિને કુલ 4 ફ્રી ટ્રાન્ઝેક્શનની પરમિશન આપી છે. 
• બેંકની સાઈટ અનુસાર ફ્રી લિમિટથી વધારે ટ્રાન્ઝેક્શન પર 150 રૂપિયા ચાર્જ લેવામાં આવશે.
• ઓગસ્ટથી ICICI બેંકના ગ્રાહકોને માટે હોમ બ્રાન્ચ કેશ લિમિટ 1 લાખ રૂપિયા પ્રતિ ખાતા પ્રતિ મહિનાની રહેશે.  1 લાખથી વધારે માટે 5 રૂપિયા પ્રતિ 1000 રૂપિયા અને મિનિમમ 150 રૂપિયા ચાર્જ આપવાનો રહેશે. 

• નોન હોમ બ્રાન્ચમાં રોજ 25000 રૂપિયા સુધીના કેશ ટ્રાન્ઝેક્શન માટે કોઈ ચાર્જ નથી. 25000 રૂપિયાથી વધારે માટે 5 રૂપિયા પ્રતિ 1000 રૂપિયા અને મિનિમમ 150 રૂપિયા ચાર્જ આપવાનો રહેશે. 
• થર્ડ પાર્ટી ટ્રાન્ઝેક્શન માટે 25000 રૂપિયા રોજના નક્કી કરાયા છે. તેનાથી વધારેના ટ્રાન્ઝેક્શન પર 150 રૂપિયા પ્રતિ લેન દેન આપવાના રહેશે. 25000 રૂપિયાની સીમાથી વધારેના ટ્રાન્ઝેક્શનની પરમિશન અપાઈ નથી. 
• એક વર્ષમાં 25 પાનાની ચેકબુક માટે કોઈ ચાર્જ લાગશે નહીં. આ સિવાય બેંક 10 પાનાની દરેક ચેકબુક માટે 20 રૂપિયા ચાર્જ વસૂલશે. 
• ICICI બેંકના નિયમિત અને સેલેરી એકાઉન્ટથી એક મહિનામાં 4 ટ્રાન્ઝેક્શન માટે કોઈ ચાર્જ રહેશે નહીં. આ પછી 1000 રૂપિયા પર 5 રૂપિયા ચાર્જ લેવાશે અને તે એ મહિનામાં મિનિમમ 150 રૂપિયા સુધી કાપી શકાશે.