VIDEO: ચાલુ ટ્રેને ચઢવાનો પ્રયાસ કરતા યુવક પટકાયો પ્રાણ પંખેરૂ ઉડી ગયું

મુંબઈમાં ચાલુ ટ્રેનમાં ચડવા જતાં એક યુવકનું મોત થયું છે. યુવક ઉતાવળમાં ચાલુ ટ્રેનમાં ચડવા ગયો અને અચાનક તેનું બેલેન્સ છટકતા તે ટ્રેન નીચે પટકાયો અને ટ્રેન પાટા નીચે કચડાઈ જતા તેનું મોત થયું. ઘટના મુંબઈના દાદરા રેલવે સ્ટેશન પરની છે. 

મૃતક યુવકનું નામ સુદર્શન ચૌધરી છે અને તે આઈટી કંપનીમાં ફરજ બજાવતો હતો. આ દુર્ઘટનાનો વીડિયો સોશિયલ મીડિયામાં વાયરલ થયો છે. વીટીવી તમને અપીલ કરે છે કે આ રીતે ચાલુ ટ્રેનમાં ચડવાનું જોખમ તમે ક્યારેય ના લેતા. કારણકે CCTVના દ્રશ્યોમાં જોઈ શકાય છે તેમ એક ઉતાવળમાં યુવક કાળનો કોળિયો બની ગયો.



ઉલ્લેખનીય છે કે આ પહેલા પણ ચાલુ ટ્રેન ચઢવાનો પ્રયાસ કરતા લોકોના VIDEO અનેક વખત વાયરલ થયાં છે ત્યારે આજે વધુ એક હોનારત મુંબઇના લોકલ ટ્રેનમાં બની હતી. ખાનગી કંપનીમાં કામ કરતા એક યુવકે ચાલુ ટ્રેને ચઢવાનો પ્રયાસ કરતા પટકાયો હતો અને ટ્રેન નીચે આવી જતાં પ્રામ પંખેરૂ ઉડી ગયું હતું.