સંબોધન / "મને પૂરો વિશ્વાસ છે કે ભારત જ ચોથી ઔદ્યોગિક ક્રાંતિનું નેતૃત્વ કરશે" : મુકેશ અંબાણી  

• 4 જી નેટવર્ક બનાવવા માટે જિઓને ફક્ત 3 વર્ષનો સમય લાગ્યો
• જ્યારે 2 જી માટે નેટવર્ક બનાવવા 25 વર્ષનો સમય લાગ્યો હતો
• જિયો ડેટા વપરાશ 30 ગણો વધ્યો, ટૂંક સમયમાં 5G નું લોન્ચિંગ 

મુકેશ અંબાણીએ TM ફોરમ અંતર્ગત વર્લ્ડ સીરીઝમાં જણાવ્યું હતું કે, "જો ભારતને લીડરશીપ  પ્રાપ્ત કરવી છે તો તેણે અલ્ટ્રા હાઇ સ્પીડ કનેક્ટિવિટી, સસ્તા સ્માર્ટ ડિવાઇસીસ અને શ્રેષ્ઠ ડિજિટલ એપ્લિકેશનો અને સોલ્યુશન્સ પર ધ્યાન કેન્દ્રિત કરવું પડશે."

જિયોના આગમન પહેલા ભારત 2G માં અટવાયેલું હતું: મુકેશ અંબાણી 

જિયો ના વખાણ કરતાં મુકેશ અંબાણી એ કહ્યું કે, જિયો આવે તે પહેલા ભારત 2G માં અટવાઈ પડેલું હતું. જિયો દ્વારા દેશને પ્રથમ વખત IP આધારિત નેટવર્ક કનેક્ટિવિટી મળી. જ્યારે બાકીની કંપનીઓને 2G નેટવર્ક ઇન્સ્ટોલ કરવામાં 25 વર્ષનો સમય લાગ્યો હતો, જ્યારે જિયો એ ભારતમાં ફક્ત 3 વર્ષમાં 4G નેટવર્ક સ્થાપિત કર્યું હતું.

એફોર્ડેબલ ડિવાઈસીસ ના મામલે ભારત ઘણું પાછળ હતું. સ્માર્ટફોન મોંઘા હતા અને ફીચર્ ફોન  4G ટેક્નોલોજી પર કામ કરતા નહોતા. જિયો એન્જિનિયર્સે જબરદસ્ત કામ કર્યું અને Jio Phone બનાવ્યું, જે ભારતનું પહેલું અલ્ટ્રા એફોર્ડેબલ ડિવાઇસ છે. મહત્વનું છે કે જિયોફોનના આધારે જિયો એ ભારતમાં પ્રથમ વખત ગ્રામીણ વિસ્તારોમાં નંબર વનનો તાજ મેળવ્યો છે. 

જિયો ના આગમન બાદ ભારતમાં ડેટા વપરાશ 30 ગણો વધ્યો : રિલાયન્સના ચેરમેન 

જિયો ની ડિજિટલ એપ્લિકેશનો અને ઉકેલો વિશે વાત કરતા મુકેશ અંબાણી એ કહ્યું કે જ્યારે ડિજિટલ કનેક્ટિવિટી, એફોર્ડેબલ ડિવાઇસ અને ડિજિટલ એપ્લીકેશન્સ અને સોલ્યુશન્સ એક સાથે ઉમેરવામાં આવ્યાં હતાં, ત્યારે અસાધારણ રિઝલ્ટ્સ મળ્યા હતા. આજે, ભારતમાં લોકો જિયો પહેલાં જે કરતા હતા તેના કરતા 30 ગણો વધારે ડેટા વાપરતા થયા છે. ડેટા વપરાશ 0.2 અબજ GB થી વધીને 1.2 અબજ GB થયો છે.

મુકેશ અંબાણી એ જિયો ફાઈબર દ્વારા બે હજાર શહેરો અને નગરોના 5 કરોડ મકાનોને જોડવાના પ્રોજેક્ટનો પણ ઉલ્લેખ કર્યો છે. તેમણે માહિતી આપી હતી કે જિયો ટૂંક સમયમાં ભારતમાં 5 જી સેવા શરૂ કરશે.