પતિ પરમેશ્વર છે તેવું આપણે વર્ષોથી સાંભળતા આવ્યા છીએ પરંતુ પતિ જ જ્યારે હેવાન બને ત્યારે આપણે કોની પાસે જવું?
બિહારમાં સામે આવી ક્રુર ઘટના
પતિએ મિત્રો સાથેે પત્નીને સંંબંધ બાંધવા કરી મજબૂર
પત્નીએ ઇન્કાર કર્યો તો બ્લેડ વડે કર્યો હુમલો
બિહારના ગયામાં એક હ્રદયદ્રાવક કિસ્સો સામે આવ્યો છે. જ્યાં એક ડૉક્ટરે પોતાની પત્નીને મિત્રો સાથે સંબંધ બાંધવા મજબૂર કરી હતી, પત્નીએ ના પાડી તો તેને ભયંકર સજા આપી હતી. પત્ની પર પતિએ બ્લેડ વડે હુમલો કર્યો હતો.
મહિલાની છાતી અને હાથ પર હુમલો
એક રિપોર્ટ અનુસાર મહિલાએ આરોપ લગાવ્યો છે કે પતિના મિત્રો સાથે યૌન સંબંધ બાંધવાની ના પાડતા તેના પર હુમલો કર્યો હતો. પીડિતાને છાતી અને હાથ પર બ્લેડથી હુમલો કર્યો બાદમાં તેને હોસ્પિટલમાં દાખલ કરવામાં આવી હતી.
મહિલા 2 બાળકોની માતા
પોલીસ ફરિયાદ અનુસાર પીડિત મહિલાએએ 2006માં ડૉક્ટર સાથે લગ્ન કર્યા હતા. બંનેને 13 વર્ષની દીકરી અને 11 વર્ષનો દિકરો છે. મહિલાએ કહ્યું કે પહેલા બંનેની રિલેશનશીપ સારી હતી.
ગયા બદલી બાદ બદલાયો વ્યવહાર
મહિલાએ જણાવ્યું કે, જ્યારથી મારા પતિને ગયાના સરકારી હોસ્પિટલમાં MBBS ડૉક્ટર તરીકે નિયુક્ત કરવામાં આવ્યા ત્યારથી તેમનો વ્યવહાર બગડ્યો હતો. તે પહેલા 13 વર્ષ સુધી અમારી વચ્ચે કોઇ પણ પ્રકારની તકલીફ થઇ નહોતી. તે પોતાના મિત્રોને ઘરે બોલાવે અને તેમની સાથે મને શારીરિક સંબંધ સ્થાપિત કરવા માટે કહેતા હતા. જ્યારે હું ના પાડું તો મારી સાથે મારપીટ કરતા હતા.
કેરેક્ટર પર આંગળી ઉઠાવવા કરી આ હરકત
પીડિતાએ કહ્યું કે, આવી પરિસ્થિતિ દર મહિને થતી હતી. મને ખબર પડી કે મારા પતિનું એક્સ્ટ્રા મેરિટલ અફેર છે. તે પોતાના મિત્રો સાથે મારી આપત્તિજનક વીડિયો બનાવવા માંગતા હતા. જેથી તે મારા ચારિત્ર પર આંગળી ઉઠાવી શકે અને મારા પર આરોપ લગાવી શકે.
પતિ વિરુદ્ધ કેસ નોંધાયો
આ મુદ્દે પીડિતાએ ફરિયાદ નોંધાવી છે અને આરોપમાં કહેવામાં આવ્યું છે કે પીડિતાની છાતી અને હાથ પર ચાકુ વડે વાર કરવામાં આવ્યો છે.