વેદના / દિવસમાં છ વાર ન્હાય છે પત્ની, લેપટૉપ-મોબાઈલ પણ ધોઈ નાંખ્યા: કંટાળેલો પતિ પોલીસ પાસે પહોંચ્યો

• બાપ રે ! પત્નીની સફાઈની આદતથી કંટાળી પતિએ કરી છૂટાછેડાની માંગ
• પ્રથમ બાળકનો જન્મ થયા બાદ પતિ-પત્નીની વચ્ચેના સંબંધો વણસ્યા
• બ્રિટનથી પાછા આવ્યાં બાદ દંપત્તિએ પારીવારીક કાઉન્સિલિંગનો આધાર લીધો

પતિએ પત્ની સાથે છૂટાછેડાની કરી માંગ

બેંગલુરૂમાં એક પતિએ પત્નીની સફાઈની આદતથી પરેશાન થઇને છૂટાછેડાની માંગ કરી છે. તો પત્નીએ પણ  પતિ વિરુદ્ધ તેના વ્યવહારને અસામાન્ય ગણાવી ફરિયાદ નોંધાવવાનો વિચાર કરી રહી છે. એક અખબારના રિપોર્ટ મુજબ, એક દંપત્તિના લગ્ન વર્ષ 2009માં થયા હતા. લગ્ન બાદ આ દંપત્તિ પતિની નોકરીના કારણે ઈંગ્લેન્ડ ગયુ હતુ. આ દંપત્તિનો કેસ સંભાળી રહેલી બેંગલુરૂ સિટી પોલીસમાં વરિષ્ઠ સલાહકાર બીએસ સરસ્વતી જણાવે  છે, બે વર્ષ બાદ પ્રથમ બાળકનો જન્મ થયા બાદ સ્થિતિ બગડી હતી. કામથી પાછા આવ્યાં બાદ પત્ની તરફથી દરેક વખતે બુટ, કપડાં સેલફોનની સફાઈ માટે મજબૂર કરવાથી પતિ પરેશાન થઇ ગયો. બ્રિટનથી પાછા આવ્યાં બાદ દંપત્તિએ પારીવારીક કાઉન્સિલિંગનો સહારો લીધો અને સ્થિતિ સુધરી હતી. ત્યારબાદ દંપત્તિએ વધુ એક બાળકને જન્મ આપ્યો.

કોવિડ આવ્યાં બાદ પત્નીની માનસિક સ્થિતિ વધુ બગડી

રિપોર્ટ મુજબ, કોવિડ આવ્યાં બાદ પત્નીની માનસિક સ્થિતિ વધુ બગડી ગઇ અને તેણે ઘરમાં રહેલી દરેક ચીજવસ્તુને સાફ કરવાનું અને સેનિટાઈઝ કરવાનું શરૂ કરી દીધુ. સરસ્વતીએ વધુમાં જણાવ્યું, લોકડાઉન દરમ્યાન પતિ ઘરેથી કામ કરતો હતો અને પત્નીએ તેનુ લેપટોપ અને સેલફોન ધોઈ નાખ્યું. પોતાની ફરિયાદમાં પતિએ જણાવ્યું છે કે તે દિવસમાં 6 વખત વધુ ન્હાય છે અને ન્હાવાના સાબુને સાફ કરવા માટે પણ અલગથી એક સાબુનો ઉપયોગ કરે છે.

માનસિક બિમારીથી પીડિત પત્નીએ પતિનું જીવન મુશ્કેલ કર્યુ

લાંબી બિમારી બાદ ગયા વર્ષે પત્નીની માતાનુ નિધન થયુ હતુ. ત્યારબાદ પત્નીએ પતિ અને બાળકોને બળજબરીપૂર્વક ઘરમાંથી બહાર રાખ્યો અને 30 દિવસ સુધી સફાઈ કરી. સલાહકારે કહ્યું, પતિ માટે રહેવુ વધુ કપરુ ત્યારે થયુ જ્યારે બાળકો દરરોજ સ્કૂલેથી ઘરે આવતા હતા ત્યારે પત્ની તેના બાળકોના સ્કૂલ યુનિફોર્મ અને બૂટ-ચંપલ ધોવા માટે મજબૂર કરતી હતી. ત્યારબાદ પતિ બાળકોને લઇને માતા-પિતાના ઘરે આવી ગયો. જ્યારે પત્ની પોલીસ પાસે પહોંચી ગઇ. આ દંપત્તિને 11 અને 9 વર્ષના બે બાળકો છે. સલાહકારે ગંભીર ઓસીડીની આશંકા દર્શાવી અને સૂચન કર્યુ કે મહિલાને મદદની જરૂર છે. જોકે, સલાહકારે એવુ પણ કહ્યું કે તેને સારું છે અને સફાઈની આદતોને પણ સામાન્ય ગણાવી.