Video / દેશને માત્ર ચાર લોકો ચલાવે છે- હમ દો હમારે દો કી સરકાર : રાહુલ ગાંધીનો કેન્દ્ર પર કટાક્ષ

• હમ દો ઔર હમારે દો : રાહુલ ગાંધી
• કૃષિ કાયદા પર કેન્દ્ર સરકાર પર પ્રહાર
• રાહુલ ગાંધીના સંબોધન દરમિયાન ભારે હોબાળો 

રાહુલ ગાંધીએ લોકસભામાં કર્યું સંબોધન 

કોંગ્રેસ નેતા રાહુલ ગાંધીએ લોકસભામાં સંબોધન કર્યું જેમાં મોદી સરકાર પર આકરા પ્રહાર કર્યા હતા. તેમણે પરિવાર નિયોજનના એક સૂત્રના આધારે મોદી સરકાર પર કટાક્ષ માર્યો કે દેશને ચાર લોકો જ ચલાવી રહ્યા છે. નોંધનીય છે કે તેમના સંબોધન દરમિયાન સંસદમાં ખૂબ હોબાળો પણ થયો હતો. 

હમ દો હમારે દોની સરકાર છે : રાહુલ ગાંધી 

રાહુલ ગાંધીએ આજે મોદી સરકાર પર કટાક્ષ કરતાં કહ્યું કે જેમ કોરોના વાયરસ રૂપ બદલે છે તેમ પરિવારનિયોજનના સૂત્રએ રૂપ બદલ્યું છે. દેશને ચાર લોકો ચલાવી રહ્યા છે- હમ દો, હમારે દો. દરેક વ્યક્તિ જાણે છે કે હમ દો હમારે દોની સરકાર કોની છે. રાહુલ ગાંધીએ કહ્યું કે હમ દો હમારે દો, તમને બધાને યાદ હશે, એક ફોટો આવતી હતી. ક્યૂટ ક્યૂટ ચેહરા હતા. આટલું જ કહેતા સંસદની અંદર જોરદાર હંગામો શરૂ થઈ ગયો. 

There was a slogan for family planning 'Hum do hamare do'. Like Corona comes back in a different form, this slogan has come back in a different form. Nation is run by 4 people - 'Hum do hamare do'. Everyone knows their names. Whose govt is it, of 'hum do, hamare do': Rahul Gandhi pic.twitter.com/hFp1ipkOu7

— ANI (@ANI) February 11, 2021

PM says he has given options. Yes, you gave 3 options - hunger, unemployment and suicide: Congress leader Rahul Gandhi in Lok Sabha

— ANI (@ANI) February 11, 2021

કૃષિ કાયદાને લઈને રોષે ભરાયા રાહુલ ગાંધી 

નોંધનીય છે કે ખેડૂતોના મુદ્દે પણ રાહુલ ગાંધીએ મોદી સરકાર પર શબ્દબાણ માર્યા. તેમણે કહ્યું કે જ્યારે આ કૃષિ કાયદા લાગુ થશે ત્યારે જે દેશના ખેડૂત છે, શ્રમિકો છે, નાના વેપારી છે તેમનો ધંધો બંધ થઈ જશે. આ કાયદાના કારણે ખેડૂતોના ખેતરો જતાં રહેશે યોગ્ય કિંમત નહીં મળે. નાના વેપારીઓની દુકાન બંધ થઈ જશે અને હવે માત્ર બે લોકો હમ દો, હમારે દો આ દેશને ચલાવશે. 

Yesterday while addressing the House, PM said that the Opposition is talking about the agitation but not about the content and intent of Farm Laws. I thought I should make him happy today and speak on the content and intent of the laws: Congress MP Rahul Gandhi in Lok Sabha pic.twitter.com/P0WeB0W5G1

— ANI (@ANI) February 11, 2021

ખેડૂતો અંધારામાં આપણને ટોર્ચ બતાવી રહ્યા છે : રાહુલ ગાંધી 

રાહુલ ગાંધીએ મોદી સરકારને ચેતવણી આપતા કહ્યું કે એવું ન સમજતા કે આ આંદોલન ખેડૂતોનું આંદોલન છે. તમે આ વાત સમજી જજો કે આ આંદોલન દેશનું આંદોલન છે અને ખેડૂતો રસ્તો બતાવી રહ્યા છે. ખેડૂતો અંધારામાં ટોર્ચ બતાવી રહ્યા છે અને આ એક અવાજથી દેશ આખો ઊભો થઈ જવાનો છે. આખા દેશનો અવાજ હવે હમ દો હમારે દોની સામે ઊભો થશે. રાહુલ ગાંધીએ લોકડાઉન સમયમાં થયેલ પલાયનને યાદ કરતાં કહ્યું કે શ્રમિકો ચીસો પાડતા રહ્યા કે અમને બસ કે ટ્રેનની ટિકિટ આપી દો પણ ના તમે ચાલતા ઘરે જતાં રહો.