સુવિધા / SBIના ગ્રાહકો જબરદસ્ત સુવિધા, હવે ઘરે બેઠા મિનિટોમાં થઈ જશે તમારું આ જરૂરી કામ, જાણી લો પ્રોસેસ

• સ્ટેટ બેંક ઓફ ઇન્ડિયાના ગ્રાહકો સરળતાથી પોતાનો નંબર અપડેટ કરી શકે છે
• ઘરેબેઠાં મોબાઇલ નંબર અપડેટ કરવાની સરળ રીત જાણો
• આવી છે નંબર અપડેટ કરવાની પ્રોસેસ

આજના ઈન્ટરનેટ બેંકિંગના યુગમાં જો તમે તમારો મોબાઈલ નંબર અથવા ઈ-મેલ આઈડી બદલ્યું છે તો તમારે આ બંનેની જાણકારી બેંક અકાઉન્ટમાં અપડેટ કરાવવી જરૂરી છે. જેથી તમે બેંક અકાઉન્ટ સંબંધિત તમામ ટ્રાન્ઝેક્શન વિશે જાણકારી મેળવવાની સાથે કોઈપણ પ્રકારની છેતરપિંડીથી બચી શકશો. બેંક રજિસ્ટર્ડ મોબાઈલ નંબર અને ઈ-મેલ આઈડી પર વન ટાઈમ પાસવર્ડ (OTP), પિન એક્ટીવેશન મેસેજ જેવી ઘણી મહત્વપૂર્ણ માહિતી શેર કરે છે. તમે ઘરે બેઠા સરળતાથી એસબીઆઈમાં તમારો મોબાઈલ નંબર અપડેટ કરાવી શકો છો. ચાલો જાણીએ. 

ઓનલાઈન ઘરે બેઠા બદલો મોબાઈલ નંબર

જો તમારી પાસે નેટ બેંકિંગ એકાઉન્ટ છે તો તમે ઘરે બેઠા મોબાઈલ અથવા કમ્પ્યૂટરની મદદથી બેંક એકાઉન્ટનો મોબાઈલ નંબર બદલી શકો છો. જેથી અહીં અમે સ્ટેટ બેંક ઓફ ઈન્ડિયાનો ઉદાહરણ લઈશું. ચાલો જાણીએ.

આ રીતે ઓનલાઈન બદલો મોબાઈલ નંબર

• જો તમે એસબીઆઈના ગ્રાહક છો તો તમે બેંકની નેટ બેંકિંગ વેબસાઈટ  www.onlinesbi.com પર જાઓ. 
• આ પછી તમે તમારું એકાઉન્ટ લોગિન કરો તો અહીં પ્રોફાઈલ પર ક્લિક કરો.
• પછી પર્સનલ ડિટેલ્સ પર ક્લિક કરો.
• ભારતીય સ્ટેટ બેંક પ્રોફાઈલ પાસવર્ડ નાંખો.
• હવે તમે તમારા મેલ આઈડી અને મોબાઈલ નંબર જોઈ શકો છો. 
• આ સિવાય મોબાઈલ નંબર ચેન્જ કરવાનું ઓપ્શન પણ તમને દેખાશે. તેની પર ક્લિક કરો.
• આગળ આપેલી સૂચના અનુસાર તમે તમારો ફોન નંબર ચેન્જ કરી શકો છો. 

બેંક બ્રાંચથી કરાવી શકો છો અપડેટ

તમે તમારા બેંક અકાઉન્ટમાં મોબાઈલ નંબર અને ઈ-મેલ આઈડી અપડેટ કરવા માટે તમે તમારી નજીકની  SBI બ્રાંચમાં પણ જઈ શકો છો. પરંતુ તમારે તે વાતનું ધ્યાન રાખવું પડશે કે, બેંક બ્રાંચમાં જઈને મોબાઈલ નંબર અથવા ઈ-મેલ આઈડી બદલવા માટે તમારે આઈડી બતાવવું પડશે. આ સાથે જ પાસબુક અને આધાર કાર્ડ કોપી આપવી પડશે. 

ATMથી પણ મોબાઈલ નંબર અપડેટ કરી શકો છો
 
જો તમે ઈચ્છો તો તમે તમારા એટીએમથી પણ તમારો મોબાઇલ નંબર બદલી શકો છો. પરંતુ આ માટે તમારી પાસે તમારો જૂનો નંબર હોવો જરૂરી છે. જે બેંકમાં રજિસ્ટર્ડ હોય. નહીં તો તમે એટીએમથી અપડેટ નહીં કરી શકો. 

• આ માટે સૌથી પહેલાં તમારે એટીએમ મશીનમાં એટીએમ કાર્ડ નાંખી પિન નાખવો પડશે. 
• અહીં તમારે મોબાઈલ નંબર ચેન્જનો ઓપ્શન પસંદ કરવો. 
• એ પછી તમારા રજિસ્ટર્ડ મોબાઈલ નંબર પર ઓટીપી આવશે, જેને એટીએમમાં એન્ટર કરો. 
• આ પછી તમારો નવો મોબાઈલ નંબર માંગવામાં આવશે અને તેની પુષ્ટિ થશે. આ રીતે એટીએમ દ્વારા તમારો મોબાઈલ નંબર અપડેટ થઈ જશે.