ટિપ્સ / ઓપન પોર્સથી ઝડપથી મેળવો છૂટકારો, અપનાવી જુઓ આ રીત, ચોક્કસ થશે ફાયદો

• ચહેરાની ત્વચા કેવી રીતે કરશે ગ્લોઇંગ
• ઓપનપોર્સથી ઘરે બેઠા જ મેળવો છૂટકારો
• ઘરગથ્થુ ફેસપેકથી દેખાશે ઝડપી ફરક

આપણે આપણા ચહેરાની ત્વચાને લઇને ઘણા કોન્સિશિયસ હોઇએ છીએ. ફેસ પર એક ફોલ્લી જેવુ થાય તો પણ આપણે ટેન્શનમાં આવી જઇએ છીએ. પરંતુ એક સમસ્યા એવી છે કે જે સ્ત્રી અને પુરુષો બંનેમાં જોવા મળે છે.

ઓપનપોર્સથી મેળવો છૂટકારો

મોટાભાગના ફિમેલ અને મેલના ચહેરા પર ઓપન પોર્સ જોવા મળે છે. ઓપન પોર્સના લીધે ચહેરો ઝડપથી ઓઇલી થઇ જાય છે. ચહેરા પર પીંપલ્સ અને ફોડલીઓના ડાઘ ઓપનપોર્સને કારણે વધી જતા હોય છે. ચહેરા પણ ખાડા ખાડા જોવા મળે છે.  તેમાં પણ નાક, ગાળ અને દાઢીના ભાગે ઓપન પોર્સ વધારે દેખાય છે.  આથી ચહેરો ખરાબ દેખાય છે.  પરંતુ ઓપનપોર્સથી ગભરાવાની જરુર નથી. ઓપનપોર્સથી છૂટકારો મેળવવા આ ફેસપેક અપનાવી જુઓ, થોડા દિવસોમાં જ જોવા મળ્યો ગ્લોઇંગ સ્કીન 

મધ અને લીંબું

આ માટે એક બાઉલમાં 1 ચમચી મધ, 1/2 ચમચી લીંબુનો રસ અને એક ચપટી ખાંડ મિક્સ કરો. તૈયાર મિશ્રણને ચહેરા પર 3-5 મિનિટ સુધી હળવા હાથે સ્ક્રબ કરો. ત્યારબાદ તેને 10 મિનિટ માટે ફેસ પર રહેવા દો. ત્યારપછી ચહેરાને હૂંફાળા પાણીથી ધોઈ લો. અઠવાડિયામાં 2-3 વખત આ ઉપાય અપનાવવાથી ચહેરાના ખુલ્લા છિદ્રો ઓછા થઇ જશે.  તેનાથી ચહેરો સ્વચ્છ, ગ્લોઈંગ, ઓઈલ ફ્રી દેખાશે.

ચણાનો લોટ અને દહીંનો ફેસ પેક 

ત્વચાના ખુલ્લા છિદ્રોને બંધ કરવા માટે તમે ચણાના લોટ-દહીંનો ફેસ પેક લગાવી શકો છો.  આ ફેસપેક  ચહેરા પર ચમક લાવવામાં મદદ કરશે. આ માટે એક બાઉલમાં 1 ચમચી ચણાનો લોટ અને દહીંને જરૂર મુજબ મિક્સ કરો. તૈયાર કરેલા ફેસ પેકને ચહેરા પર હળવા હાથે સ્ક્રબ કરો. 10 મિનિટ માટે રહેવા દો. ત્યારપછી નવશેકા પાણીથી મોં ધોઈ લો.

ઓટ્સ ફેસ પેક

એક બાઉલમાં 2 ચમચી ઓટ્સ પાવડર, 1/2 ચમચી લીંબુનો રસ, 1-1 ચમચી મધ અને ગુલાબજળ મિક્સ કરો. તૈયાર મિશ્રણને ચહેરા પર મસાજ કરો.  તેને 10 મિનિટ માટે રહેવા દો. ત્યારપછી ચહેરાને હૂંફાળા પાણીથી ધોઈ લો. આ ફેસપેક ઓપનપોર્સને બંધ કરવાની સાથે સાથે ક્લિનઝિંગનું પણ કામ કરે છે.