કામની ટિપ્સ / તમે ચહેરા પર કોલ્ડ ક્રીમ લગાવતા હોવ તો જાણી લો આ વાત, નહીંતર સ્કિનને થશે આવા નુકસાન

• શિયાળાને કારણે સ્કિનનું નેચરલ મોઈશ્ચર ઓછું થવા લાગે છે
• કોલ્ડ ક્રીમ લગાવવાથી ગોરાપણું ઓછું થવા લાગે છે
• કોલ્ડ ક્રીમ્સ ઓઈલ બેસ્ડ હોવાથી દિવસે તેને લગાવવાથી થઈ શકે છે આવી સમસ્યા

કોલ્ડ ક્રીમ્સ થીક અને ઓઈલ બેસ્ડ હોય છે. તેને ચહેરા પર લગાવવાથી ડ્રાયનેસ તો દૂર થાય છે પણ તેને લગાવીને તડકાંમાં બહાર નીકળવાથી તેના ઓઈલ બેસ પર બહારની ધૂળ, માટી અને મેલનું લેયર ફેસ પર બનવા લાગે છે. જેથી એક વાત હમેશાં ધ્યાન રાખવી કે કોલ્ડ ક્રીમ્સ લગાવીને તડકાંમાં બહાર નિકળવું નહીં, નહીં તો તેનાથી સ્કિનને નુકસાન થઈ શકે છે. 

શિયાળામાં કઈ રીતે સ્કિનનું ધ્યાન રાખવું?

સિલિકોન બેસ્ડ અથવા એસપીએફ (SPF factor (preferably SPF 20+)વાળી ક્રીમ્સ લગાવવી. એસપીએફ ફેક્ટર વિનાની ક્રીમ્સ લગાવવાથી સ્કિન બેજાન અને ટેન થવા લાગે છે. કોલ્ડ ક્રીમનો ઉપયોગ નાઈટ ક્રીમની જેમ કરી શકો છો. એસપીએફવાળા ક્રીમ્સ અથવા લોશનનો ઉપયોગ દિવસે કરવો. જો વારંવાર સ્કિન ડ્રાય થઈ જાય તો જ્યારે પણ ફેસવોશ કરો તે બાદ સનસ્ક્રીન લગાવો. તમે ટોનરનો ઉપયોગ પણ કરી શકે છે. 

ફેરનેસ માટેના ઉપાય

• નહાતાં પહેલાં ઓઈલ મસાજ કરો. નારિયેળ તેલ અને ઓલિવ ઓઈલ મિક્સ કરીને બોડી મસાજ કરો. તેનાથી સ્કિન મોશ્ચરાઈઝ થશે અને નિખાર પણ વધશે. 
• સ્કિનને સોફ્ટ અને હાઈડ્રેટેડ રાખવા માટે પૂરતાં પ્રમાણમાં પાણી પીવો. 
• હમેશાં નવશેકા પાણીથી સ્નાન કરવું. વધુ ગરમ પાણીથી નહાવું નહીં. તેનાથી સ્કિન શુષ્ક અને બેજાન થઈ જાય છે અને વાળને પણ નુકસાન થાય છે.