વિન્ટર ટિપ્સ / શિયાળામાં સ્કિન સૂકાઈ જવી, ડલ અને ડાર્ક થવાની સમસ્યાને સસ્તામાં દૂર કરી દેશે આ દેશી ઉપાયો, જાણી લો

નુસખાઓ

• શિયાળામાં આપણે ગરમ પાણીથી નહાતા હોઈએ છીએ. આ કારણથી પણ ત્વચા શુષ્ક થઈ જતી હોય છે. તેના બદલે હૂંફાળા પાણીથી નહાઓ. આનાથી તમારી ત્વચા સ્વચ્છ પણ થશે અને તેમાં કુદરતી તેલ પણ જળવાઈ રહેશે.
• નહાયા પછી તરત જ મોઈશ્ચરાઈઝર લગાડો, કારણ કે આ સમયે તમારી ત્વચાના છિદ્રો ખુલ્લા હશે તેથી તે તરત જ તેને શોષી લેશે.
• જ્યારે તમને લાગે કે તમારી ત્વચા શુષ્ક થઈ રહી છે ત્યારે સૌથી પહેલા તેના પરના ડેડ સેલ્સ દૂર કરો. મધ અને ઓટમિલને મિક્સ કરીને પેસ્ટ તૈયાર કરીને વાપરી શકો છો.
• શિયાળામાં ખાસ તમે ચોખા અને તલને મિક્સ કરીને હોમમેડ સ્ક્રબ બનાવી શકો છો. તેના માટે સમાન માત્રામાં ચોખા અને તલ લઈને તેને આખી રાત પાણીમાં પલાળી દેવા. સવારે તેને પીસીને નહાતાં પહેલાં તેને ચહેરા પર લગાવી લેવું. બોડી પર પણ લગાવી શકો છો. 10 મિનિટ બાદ ચહેરો પાણીથી ધોઈ લો. આ એક બેસ્ટ નેચરલ સ્ક્રબનું કામ કરશે અને સ્કિનને ગ્લોઈંગ બનાવશે. 
• પહેલાંના સમયમાં ચહેરા પર ગ્લો લાવવા માટે દૂધનો ઉપયોગ કરવામાં આવતો હતો. તમે પણ ગ્લોઈંગ અને સોફ્ટ સ્કિન માટે દૂધનો ઉપયોગ કરી શકો છો. તેના માટે રોજ રાતે રૂથી ચહેરા પર કાચું દૂધ લગાવો. પછી તે સૂકા એટલે ધોઈ લો અથવા સવારે ધુઓ. 
• મુલતાની માટીમાં અનેક ગુણો રહેલાં છે. જેથી શિયાળામાં મુલતાની માટી, મધ અને ગુલાબજળ મિક્સ કરીને ફેસપેક તૈયાર કરીને લગાવી શકો છો. તેને ચહેરા પર લગાવી સૂકાય જાય એટલે ધોઈ લો. શિયાળામાં સ્કિનને હેલ્ધી રાખશે.
• ટામેટાં સ્કિન માટે બહુ જ ફાયદાકારક છે. તેમાં રહેલું લાઈકોપિન અને અન્ય ન્યૂટ્રિઅન્ટ્સ સ્કિન ટેન દૂર કરવા અને સ્કિનને સ્મૂધ, સોફ્ટ અને ક્લિઅર બનાવવામાં મદદ કરે છે. તેના માટે 1 ચમચી ટામેટાંના રસમાં 1 ચમચી મધ મિક્સ કરો. તેને ચહેરા પર લગાવી સૂકાય એટલે ધોઈ લો. 
• અડધા કપ જેટલું કોકોનટ મિલ્ક લો. તેમાથી અડધુ ચહેરા અને શરીર પર લગાવો અને બાકીનુ દૂધ લાલ ચંદન સાથે ભેળવીને પેસ્ટ બનાવો. આ પેસ્ટને ચહેરા પર લગાવો. આનાથી ચહેરા પરની સૂકી ત્વચા દૂર થાય છે.
• દહીંને કાકડીના રસ સાથે ભેળવો અને તેને ચહેરા પર લગાવો અને ધોઈ નાંખો. આનાથી ચહેરા પર નિખાર આવશે.