રેસિપી / શ્રાદ્ધમાં પિતૃઓને ચઢાવો આ ખીરનો ભોગ, મળશે પુણ્ય

શાહી ખીર

સામગ્રી

• 100 ગ્રામ માવો 
• 2 ટી સ્પૂન ચોખા 
• 1 લીટર દૂધ
• 4 ટી સ્પૂન ખાંડ
• 10 નંગ બદામ
• 15 થી 20 નંગ કિશમિશ
• 15 નંગ કાજુ
• 1/4 ટી સ્પૂન ઈલાયચી પાઉડર
• 10 નંગ પીસ્તા
• 10 થી 15 તાંતણા કેસર
• 1 ચમચી દૂધ

રીત

સૌપ્રથમ ચોખાને અડધો કલાક માટે પલાળી દો. ત્યાર બાદ બદામ, પીસ્તા અને કાજુની કતરણ કરી લો. હવે એક તપેલીમાં દૂધને મીડીયમ આંચ પર 500-600 મિલી. થાય ત્યાં સુધી ગરમ કરો. પછી એમાં ચોખા ઉમેરો અને 2 મિનિટ સુધી ચઢવા દો. ત્યાર બાદ એમાં બદામ, પીસ્તા, કાજુની કતરણ, ઈલાયચી પાઉડર, કિશમિશ, ખાંડ અને એક ચમચી દૂધમાં પલાળેલું કેસર ઉમેરો. હવે એમાં માવો નાખી ધીમી આંચ પર 10 મિનિટ સુધી સતત હલાવો. બાદમાં તેને ગેસ પરથી ઉતારી ગરમ-ગરમ અથવા ફ્રીજમાં ઠંડું કરીને સર્વ કરો.